جۆ بایدن هۆشداری لە سەرکەوتنی کۆمارییەکان لە هەڵبژاردنی کۆنگرێس دەدات
  2022-11-08       196       


جۆ بایدن سەرۆکی ویلایەتە یەکگرتووەکانی ئەمریکا هۆشداری لە سەرکەوتنی کۆمارییەکان لە هەڵبژاردنی نیوەیی ئەندامانی کۆنگرێس دا و رایگەیاند دیموکراتیەتمان دەکەوێتە ژێر هەڕەشەوە.

ئاوێنه‌: جۆ بایدن سەرۆکی ویلایەتە یەکگرتووەکانی ئەمریکا لە وتارێکدا کە لەبەردەم لایەنگرانی حیزبەکەی لە زانکۆی بوۆی پێشکەشی کرد رایگەیاند، “ئێمە بە دووڕیانێکی مەترسیداردا تێدەپەڕین، دیموکراتیەتمان لەژێر هەڕەشەدایە، ئێستا کاتی ئەوەیە بەرگری لێبکەین”.

ئەم وتانەی بایدن لە کاتێکدایە ئەمڕۆ سێشەممە 8 ی تشرینی دووەم هەڵبژاردن بۆ نیوەی کورسییەکانی کۆنگرێسی ئەمریکا ئەنجامدەدرێت و بە پێی پێشبنییەکانیش کۆمارییەکان دەتوانن لەم هەڵبژاردنەدا هەڵبستنەوە و زیاتر لە 25 کورسی بەدەستبهێنن، بەمەش دەبنە زۆرینەی ناو کۆنگرێس.

لای خۆشیەوە دۆناڵد ترەمپ سەرۆکی پێشووی ئەمریکا رایگەیاندووە ،”رۆژی 15ی ئەم مانگە هەواڵێکی چاوەڕواننەکراو رادەگەیەنم.

هاوکات بەشێک لە میدیاکانی ئەمریکا پێشبینییان کردووە دۆناڵد ترەمپ خۆکاندید کردنەوەی بۆ پۆستی سەرۆکایەتی ئەمریکا لە هەڵبژاردنەکانی ساڵی 2024 رابگەیەنێت.

زۆرترین بینراو
© 2022 Awene Online, Inc. All Rights Reserved.
×