بەهۆی لێچوونی غازەوە لە سلێمانی شوێنێك داخرا و سیستمی شوێنێكی تر راگیرا
  2022-12-07       223       


قائیمقامیەتی سلێمانی ئاشكرای كردووە، بەهۆی لێچوونی غازەوە شوێنێكی تر داخراوە و سیستمی غازی كوشتارگەی سلێمانیش گیراوەتەوە.

ئاوێنه‌: رێكان جەمال سەرۆكی لیژنە هاوبەشەكانی قائیمقامیەتی سلێمانی بە پەیجی فەرمی قائیمقامیەتی رایگەیەندووە، سیستمی غازی خواردنی خێرای "تەربوش" لێچونی هەبووە و تیمەكانی بەرگری شارستانی و لیژنە هاوبەشەكانی قائیمقامیەت و كۆمپانیای تایبەتمەند سەردانی شوێنەكەیان كرد، بڕیاردرا تاوەكو ئەو كاتەی ئەو لێچوونە چارەسەر دەبێت لەپێناو رێگری لە روداوی نەخوازرا شوێنەكە دادەخرێت.

رونیشیكردووەتەوە، سیستمێكی نازانستی لەلایەن كەسانی نەشارەزاوە بۆ ئەو كوشتارگەیە دانراوە و هیچ مەرجێكی سەلامەتی تێدا نییە، بۆیە بڕیاری راگرتنی ئەو سیستمی غازە درا تاوەكو ئەو كاتەی كۆمپانیایەكی تایبەتمەند چاكسازی كە سیستمەكەدا دەكات و لەرووی سەلامەتییەوە كێشەی نامێنێت.

بە وتەی سەرۆكی لیژنە هاوبەشەكانی قائیمقامیەت، لە سلێمانیدا 35 كۆمپانیای تایبەتمەند كاری سیستمی غاز دەكەن، هەر شوێن و ماڵێك بیانەوێت لە سیستمی غازەكەیان دڵنیا بن ئەو كۆمپانییانە تێستی سیستمەكەیان بۆ دەكەن و مەترسی نامێنێت.
 

زۆرترین بینراو
© 2023 Awene Online, Inc. All Rights Reserved.
×