نزیكەی 20 رۆژە دەرهێنان و نوێكردنەوەی پاسپۆرت راگیراوە
  2023-01-24       425       

نزیکەی 20 رۆژە نوێکردنەوە و دەرهێنانی پاسپۆرت راگیراوە و بەڕێوەبەری گشتیی رەگەزنامە و پاسپۆرتی هەرێمی کوردستانیش دەڵێت، هیچ گرفتێکی تەنکنیکی لە هەولێر و بەغدا نییەو لەبەر نەمانی دەفتەری خامە.

 ئاوێنە: لیوا هێرش ئەحمەد، بەڕێوەبەری گشتیی رەگەزنامە و پاسپۆرت و نشینگەی هەرێمی کوردستان، ئەمڕۆ سێشەممە، بە روداوی راگەیاند، لەبەر "نەبونی دەفتەری خام"، نوێکردنەوە و دەرهێنانی پاسپۆرت راگیراوە.

وتیشی"مامەڵەی هاوڵاتیان لە هەولێرو بەغداش رایی دەکرێن، بەڵام گەڕاندنەوەی پاسپۆرتەکە گرفتی بۆ دروستبوە".

 لەبارەی ئەو کەسانەی کە نەخۆشن یان کارێکی تایبەت و زۆر پێویستیان هەیە، لیوا هێرش وتی"دەفتەری یەدەگمان بۆ ئەو کەسانە داناوەو بە خێرایی پاسپۆرتیان بۆ دەگەڕێتەوە".

نەبونی دەفتەری خامی پاسپۆرت، نزیکەی 20 رۆژە کێشەی دروستکردوە، بەوتەی بەڕێوەبەری گشتیی رەگەزنامەو پاسپۆرت و نشینگەی هەرێمی کوردستان "لەم رۆژانەدا چارەسەر دەکرێت".

زۆرترین بینراو
© 2023 Awene Online, Inc. All Rights Reserved.
×