بەڕێوەبەرایەتی گشتی كەشناسی و بوومەلەرزەزانی هەرێم ڕەوشی كەشوهەوای ئەمڕۆ هەینی و سبەی شەمەی شارەكانی بڵاو كردەوە كە لە هەردوو رۆژەكەدا ئاسمان ساماڵ دەبێت.
ئاوێنه: كەشناسی سەبارەت بە ڕەوشی كەشوهەوای ئەمڕۆ هەینی شارەكان ڕایگەیاند: ئاسمان ساماڵ و پەڵە هەور دەبێت و پلەكانی گەرماش نزیك دەبێتەوە لە تۆماركراوەكانی دوێنێ پێنجشەممە.
ڕاشیگەیاند: ئاڕاستەی با بەرەو باكوری خۆرئاوا دەبێت و خێراییەكەشی لەسەرخۆو مامناوەند دەبێت، مەودای بینینیش لەنێوان (9 – 10) كیلۆمەتر دەبێت.
سەبارەت بە كەشوهەوای سبەی شەمەی شارەكان، كەشناسی ڕایگەیاند: ئاسمان ساماڵ و پەڵە هەور دەبێت و هەندێك كات نیمچە هەور دەبێت، پلەكانی گەرماش نزمترین پلەكان لە زۆربەی ناوچەكان هەر بە نزمی دەمێنێتەوە، بەڵام بەرزترین بە نزیكەی ( 1 تا 2 ) پلە بەرزتر دەبێت لە تۆماركراوەكانی ئەمڕۆ هەینی.
ئاماژەی بەوەشدا كە ئاڕاستەی با بەرەو باكوری خۆرئاوا دەبێت و خێراییەكەشی لەسەرخۆو مامناوەند دەبێت، هەروەها مەودای بینین لەنێوان (9 – 10) كیلۆمەتر دەبێت.
بەڕێوەبەرایەتی گشتی كەشناسی بەرزترین پلەكانی گەرمای پێشبینیكراوی شارەكانی بەمشێوەی خوارەوە دیاری كردووە.
هەولێر: 11 پلەی سیلیزی
سلێمانی: 10 پلەی سیلیزی
دهۆك: 10 پلەی سیلیزی
كەركوك: 15 پلەی سیلیزی
هەڵەبجە: 12 پلەی سیلیزی
زاخۆ: 12 پلەی سیلیزی
سۆران: 7 پلەی سیلیزی
گەرمیان: 17 پلەی سیلیزی