پێشنیوەڕۆی ئەمڕۆ شەممە، کاسبکارانى عەلوەى شاری هەولێر گردبونەوە و ڕێگاى سەرەکى موسڵ- هەولێریان داخست، کاسبکاران دەڵێن، عەلوەیەکى نوێ لەلایەن کەرتى تایبەتەوە دروستکراوە و بەهۆیەوە ڕێگرى لەکارەکانى ئێمە دەکەن.
ئاوێنە: کاسبکارانى عەلوەى هەولێر لەبەردەم گۆڕەپانێکدا گردبونەوە کە بە “گۆڕەپانی شوتى فرۆشان” ناسراوە ڕێگاى سەرەکى موسڵ- هەولێریان داخست و لە ئێستادا بەشداربوانى گردبونەوەکە ئاگریان لەسەر ڕێگاکە کردوەتەوە و ڕێگا بە هاتوچۆى ئۆتۆمبێل نادەن.
وەک بەشێک لەو کاسبکارانە خۆیان دەڵێن، عەلوەیەکى نوێ لەلایەن کەرتى تایبەتەوە دروستکراوە و بەهۆیەوە ڕێگرى لەکارەکانى ئێمە دەکەن، هەربۆیە ئەمڕۆ گردبونەتەوە و شەقامەکەیان داخستوە.
لە ئێستادا بەهۆى ڕێگرى لە هاتوچۆى ئۆتۆمبێل قەرەباڵخیەکى زۆر لەسەر ڕێگاى سەرەکى موسڵ- هەولێر دروستبوە.