لە قەزای دەربەندیخان 18 کەسی پاکستانی بە تۆمەتی بەزاندنی سنور دەستگیرکران.
ئاوێنە: سلێمان محەمەد، قائیمقامی قەزای دەربەندیخان، ئەمڕۆ شەممە، بە ئێن ئاڕ تی راگەیاند، 18 کەسیان بەتۆمەتی بەزاندنی سنور دەستگیرکردون کە خەڵکی پاکستانن و بە قاچاغ هاتونەتە ناو هەرێمی کوردستانەوە.
ئاماژەی بەوەشکرد، ئەو كەسانە ویستویانە بچنە ناوچەکانی باشوری عێراق و دو کەسیش کە کارەکانیان رێکخستوە دەستگیرکراون.
قائیمقامی دەربەندیخان وتیشی، دیار نییە ئەو کەسانە بە چ مەبەستێک هاتونەتە هەرێم و لەئێستادا لەژێر لێکۆڵینەوەدان.