مەسرور بارزانی: ئەو گۆڕانکارییانەی لەپشکی هەرێم کراون ناپاکی‌و ستەمکاریی‌و پیلانگێڕییە
  2023-05-27       708       

مەسرور بارزانی، سه‌رۆكی‌ حكومه‌تی‌ هه‌رێمی‌ كوردستان ده‌ڵێت، "ئەو گۆڕانکارییانەی لەپشکی هەرێمی کوردستان لەبودجەی فیدراڵیدا کراون، ناپاکی‌و ستەمکاریی‌و پیلانگێڕییە لەدژی هەرێمی کوردستان". ده‌شڵێت، "ئەوەی جێی داخە ئەو دەستە ناوخۆییەیە کە بەشدارە لەم پیلانگێڕییە."

ئاوێنه‌: له‌نوێترین لێدوانیدا له‌باره‌ی‌ ئه‌و گۆڕانكاریانه‌ی‌ له‌پشكی‌ هه‌رێم له‌پرۆژه‌ یاسای‌ بودجه‌ی‌ عێراق ئه‌نجامدران،  مەسرور بارزانی ڕایگه‌یاند، "ئەو گۆڕانکارییانەی لەپشکی هەرێمی کوردستان لەبودجەی فیدراڵیدا کراون، ناپاکی‌و ستەمکاریی‌و پیلانگێڕییە لەدژی هەرێمی کوردستان، بەڵام بەهەموو شێوەیەک ڕوبەڕوی ئەو پیلانگێڕییە دەبینەو ناهێڵین سەر بگرێت."

بارزانی‌ جه‌خت له‌وه‌ش ده‌كاته‌وه‌، "ئەوەی جێی داخە ئەو دەستە ناوخۆییەیە کە بەشدارە لەم پیلانگێڕییە. لەوەش خراپتر، کەمکردنەوەی دەسەڵاتەکانی هەرێمی کوردستان بەدەسکەوت بۆ خۆیان بزانن. بەڵام دڵنیاتان دەکەینەوە ئەمە هەوڵێکی نەزۆکەو سەر ناگرێت."

پێنجشه‌ممه‌ی‌ ڕابردو لیژنەی دارایی پەرلەمانی عێراق بەکۆمەڵێک دەستکاری نوێوە دەنگی لەسەر هەردو مادەی ۱۳ و ۱٤ی پڕۆژە یاسای بودجەی عێراقدا. کە ئەو دوو ماددەیە ڕەنگدانەوەی ڕێکەوتنی نێوان هەرێم‌و بەغدا بوو لەپڕۆژە یاسای بودجە لەبابەتی نەوت‌و دارایی.

لەکۆی چوار ئەندامی کوردی لیژنەکە سێ ئەندامیان کشانەوە کە دو ئەندامی پارتی‌و ئەندامێکی یەکگرتو بون‌و گۆڕانکارییەکان بەدژی هەرێم‌و ڕێکەوتنی نێوان حکومەتی هەولێرو ناوەند دەزانن. 

به‌ڵام هەرێم کەمال ئاغا، سەرۆکی فراکسیۆنی یەکێتی‌و نەرمین مەعروف، لەپشکی یەکێتی لەلیژنه‌ی‌ دارایی ده‌نگیان به‌گۆڕانكارییه‌كاندا.

ئه‌و وتانه‌ی‌ مەسرور بارزانی له‌میانه‌ی‌ سەردانێكیدا هات كه‌ ئەمڕۆ شەممە بۆ دەشتی زرارەتی لەپارێزگای هەولێر ئه‌نجامیداو  بەشداری لەدروێنەکردنی گه‌نمدا کرد.

زۆرترین بینراو
سەعدی پیرە: یەكێتی هەڵوێستی لەبارەی بڕیارەكەی پارتی بۆ بەشداری نەكردن لە هەڵبژاردن دەبێت
شاسوار عەبدولواحید: پێشنیار بۆ پارتی و یەكێتی دەكەم ماوەیەك ئۆپۆزسیۆن بن
مه‌كته‌بی سیاسی پارتی: به‌شداری هه‌ڵبژاردنێک ناكه‌ین بە نایاسایی و نادەستوری بەڕێوەبچێت
شه‌ش خاڵ بۆ نه‌بونی متمانه‌ به‌ "هه‌ژماری من" ئاشكراده‌كرێت
مامۆستایانی ناڕازی بۆ دەسەڵاتدارانی زۆنی سەوز: هەژماری من رابگرن و راستەوخۆ لیستی موچە بنێرن بۆ بەغدا
وەزارەتی دەرەوەی ئەمریكا: نیگەرانین لە راگەیەندراوەكەی پارتی بۆ بایكۆتی هەڵبژاردن
وەزارەتی دارایی ھەرێم بڕیاری دا، جیاوازیی مووچە و دەرماڵە بۆ بەشێك لە فەرمانبەران خەرج بكرێتەوە
بەیاننامەی تیمی یەکێتی لە حکومەتی هەرێم سەبارەت بەمووچە
ئەدهەم بارزانی: كار لەسەر بەلاڕێدابردنی دۆخەكە دەكرێت بۆ ئەوەی هەڵبژاردن نەكرێت
هێمن هەورامی: بڕیارەكەی پارتی بۆ راستكردنەوەی ئەو هەڵەیەیە كە عێراقی لە فرە پێكهاتەوە بەرەو تاك پێكهاتە بردوە
© 2024 Awene Online, Inc. All Rights Reserved.
×