ئەمڕۆ هەینی فراكسیۆنی پارتی چەپی سەوز كە توانی 61 نوێنەر بنێرێتە پەرلەمان یەكەم كۆبوونەوەی خۆی كرد و بەرپرسەكانی دیاریكرد.
ئاوێنه: كۆبوونەوەی پارتی چەپی سەوز لە ئەنقەرە بە سەرۆكایەتی چیدەم كلیچگون ئوچار و ئیبراهیم ئاكن هاووتەبێژانی پارتی چەپی سەوز و هەروەها پەروین بوڵدان و میدحەد سانجار هاوسەرۆكانی گشتیی پارتی دیموكراتی گەلان هەدەپە بەڕێوەچوو.
لە كۆبوونەوەكەدا بڕیاردرا بە دیاریكردنی پەرلەمانتاری ئیستەنبوڵ سڕی سورەیا ئوندەر بە سەرۆكی فراكسیۆنی پارتی چەپی سەوز لە پەرلەمان و پەرلەمانتاری سێرت تونجەر باكرخان بە بڕیاردەری كارگێڕی لە پەرلەمان.
هەروەها بۆ سەرۆكایەتی فراكسیۆنی پارتی چەپی سەوز، تا بەڕێوەچوونی كۆنگرە پەرلەمانتاری ئەرزروم مەرال دانش بەشتاش و پەرلەمانتاری ئانتالیا ساروخان ئولوچ، دەستنیشان كران.