فه‌رمانده‌یی گشتى هێزه‌كانى سوریاى دیموكرات ڕاگه‌یه‌ندراوێكى بڵاوكرده‌وه‌و ڕایگه‌یاند، هاوسۆزى ته‌واوى خۆیان بۆ هێزه‌كانى دژه‌تیرۆرو یه‌كێتى و كه‌سوكارى شه‌هیده‌كان دووپاتده‌كه‌نه‌وه‌.

ده‌قى ڕاگه‌یه‌ندراوى فه‌رمانده‌یی گشتى هێزه‌كانى سوریاى دیموكرات:

بەداخ و پەژارەیەکی زۆرەوە هەواڵی شەهیدبوونی کۆمەڵێک قارەمانی هێزەکانی دژەتیرۆرمان پێگەیشت لە ئەنجامی هێرشی دڕندانە بۆ سەر فڕۆکەخانەی ئەربەت لە شاری سلێمانی لە هەرێمی باشووری کوردستان. ئەم قارەمانانە کە بە خوێنی پاکی خۆیان ڕێگایەکی بەنرخی خەبات و قوربانیدانیان دامەزراند و گەل و نەتەوەی خۆیان پاراست.

هەر لەو پێوەندییەدا فەرماندەیی گشتیی هێزەکانی سوریای دیموکرات پرسەو سەرەخۆشی لە فەرماندە و شەڕڤانانی هێزەکانی دژەتیرۆر و یەکێتی نیشتمانی کوردستان و کەسوکاری شەهیدان و هەموو گەلەکەمان دەکات. لەم ڕووداوە دڵتەزێنەدا هاوسۆزی تەواومان لەگەڵیان دەردەبڕین.

گەلەکەمان هەمیشە شانازی بە قارەمانە قارەمانەکانی و دامەزراوە سەربازی و ئەمنییە بەهێزەکانیەوە دەکات کە دەتوانن بیپارێزن و چارەنووسی دوژمنان جگە لە شکست هیچی تر نابێت.

ئێواره‌ى 18ى ئه‌م مانگه‌ توركیا له‌ڕێگه‌ى درۆنه‌وه‌ هێرشى كرده‌ سه‌ر فرۆكه‌خانه‌ى عه‌ربه‌ت و له‌ئاكامدا سێ پێشمه‌رگه‌ى دژه‌تیرۆرو شه‌هیدبوون و یه‌كێكیش برینداربوو.