سەرۆكی ئەركانی سوپای ئێران دەڵێت : عێراق پابەند نەبووە بە جێبەجێکردنی رێككەوتنی ئەمنی و هێزە ئۆپۆزسیۆنەكان تەنها كەمێك لەسنورەكان دورخراونەتەوە.
ئاوێنە: محەمەد باقری سوپاسالاری سوپای پاسداران ڕایگەیاند، بەپێی رێككەوتنی ئەمنی عێراق و ئێران دەبێت هێزە ئۆپۆزسیۆنەکان لە كوردستان و عێراق دووربخرێنەوە.
دەشڵێت، سەرۆك كۆمار ئیبراهیم ڕەئیسی داوای لێكردون ددان بەخۆیاندا بگرن و جارێ چاوەڕێبكەن.
هاوکات ئەمڕۆ سەرۆککۆماری ئێران لەپەیامێکدا چەكداماڵینی پارتەکانی ڕۆژهەڵاتی کوردستانی لەلایەن عێراقەوە بەهەنگاوێكی ئەرێنی ناوبرد.
ئیبراهیم رەئیسی سەرۆك كۆماری ئێران لە نمایشێكی سەربازیدا بەبۆنەی هەفتەی بەرگری پیرۆز وتی: لە هاوردەكاری چەكەوە بووین بە بەرهەمهێنەر‌و هەڵدەستین بە هەناردەكردنی چەك.
وتیشی: چەكداماڵینی پارتەکانی ڕۆژهەڵاتی کوردستان لەنزیك سنوری ئێران هەنگاوێكی ئەرێنییە كە حكومەتی عێراق دەستی بۆ بردووە.
دەشڵێت: رێگە بە هیچ گروپێك نادەین چەك هەڵبگرێت‌و فیتنە دژی كۆماری ئیسلامی ئێران بگێڕێت.و رێگە نادەین لە سنورەكانماندا بن.