وەزارەتی دارایی هەرێم رایگەیاند، سبەی سێشەممە، پشوی بانكییەو دەرگای سەرجەم بانكە حكومییەكان بەڕوی هاوڵاتیاندا دادەخرێن.
ئاوێنە: وەزارەتەكە، ئێوارەی ئەمڕۆ دوشەممە، لە راگەیەندراوێكدا وتی، ئاگاداری سەرجەم هاوڵاتیان دەکەینەوە، سبەی سێشەممە ڕێکەوتی 1/7/2025، پشوی بانکییە لە سەرجەم بانکە حکومییەکانی سەر بە بەڕێوبەرایەتی گشتی بانکە بازرگانییەکانی وەزارەتی دارایی و ئابوریی حکومەتی هەرێمی کوردستان.
وتوشیەتی، بۆیە دەرگای بانکەکان بەڕوی هاوڵاتیاندا دادەخرێن، تەنیا فەرمانبەران دەوامی ئاسایی خۆیان دەکەن بە مەبەستی ڕێکخستنی هاوسەنگی نیوەی ساڵی دارایی 2025.