من ئەو جەستەیە نیم کە بەپێوانەی جوانی و مۆدێلەکان هەڵدەسەنگێندرێت. من وێنەیەک نیم لەئاوێنەدا، ژمارەیەک نیم، یان پێوانەیەک کە خەڵکی تر دروستیان کردووە.

من گەشتیارێکم لەنێوان جیهانی هەست‌و بیرکردنەوەدا. وەک باڵندەیەکی قووڵ هەستم پڕە لەسۆزو هەست، بەناو شوێنە دوورەکاندا دەفڕم بۆ ئەوەی هەست بەمانای ژیان بکەم‌و ئارامی بۆ ڕۆحم بدۆزمەوە. ئەگەر دەگەڕێم، نەک لەبەر ئەوەی ون بووم، بەڵکو لەبەر ئەوەی بەدوای مانادا دەگەڕێم.

من پێکهاتووم لە بیرەوەری، خەون، هەڵە، نوێژ، پێکەنین، خەم‌و هیوا. ئەو خەڵکانە شێوەیان پێدام کە خۆشمویستون، ئەو خاکانەی پێیاندا ڕۆیشتووم‌و ئەو تاقیکردنەوانەی تێپەڕیووم لێیان.

کاتێک بەتاڵیی و چۆڵیی دێتە ناو دڵم، ون نابم. بەڵکو بەناویدا تێدەپەڕم. بەهێزی خودا بەهێز دەبم و بە باوەڕی ئەوە دڵخۆش دەبم کە هەرگیز بەتەنیایی جێ نەهێڵدراوم. ڕووناکییەکی نەبینراو هەمیشە ڕێگام پێشان دەدات، تەنانەت ئەگەر ڕێگاکە ڕوون نەبێت.

بۆ هەندێک کەس، من کچێکم، خوشکێکم، هاوڕێیەکم، خوێندکارێکم، هونەرمەندێکم و خەونبینێکم. بەڵام بۆ خۆم، من ڕۆحێکم لەگەشتدا فێردەبم، دەکەوم، هەڵدەستمەوەو هەموو ڕۆژێک دەگۆڕێم بۆ باشتر.

من نەهاتووم بۆ ئەوەی بەتەواوی لەگەڵ جیهاندا بگونجم. هاتووم بۆ ئەوەی بەڕاستگۆیی و بەدڵی خۆم لەناویدا بژیم.

ئەوە بۆ من بەسە.