مەرەم ژ گرتنا چالاکڤانان چییە؟
نزار پیرۆ
2021-01-22 915
شێروانەک یان بەدەلەک یان هەر ئێک ژ وان چالاکڤانێن دی ئەوێن ئەڤە چەند هەیڤە هاتین گرتن بفەرمانا دادگەهێ و بپاڵدانا پارتا ژمارە ئێک یا ددەستهەڵاتێ دا لهەرێما کوردستانێ و ببێدەنگییا پارتا دەستە جەمعا وێ دهێزێ و ددەستهەڵاتێدا، کو پشتی کۆنگرا وێ یاداوییێ و وان گهۆرینێن چێبووین دوان سەوابتێن وێ پارتێ کار پێ دکرن بەری هینگێ و لوی دەمێ هێشتا خودێ ژێ رازی مام جەلال یێ ساغ و هەتا ل پشتی هینگێژی و ئەو لێبوردەیی و روحا ئێک و دوو قەبولکرنێ و قەبولکرن و رێزلێگرتنا ژ دەنگێن نەرازی لوی وەختی و لوێ دەڤەرا ئەو دەستهەڵات تێدا، بەلێ باشڤەچوونا وێ دوی واریدا، لپشتی کۆنگرا وێ یاداویێ و ئێک هەڵوێستییا وێ دگەل پارتی دڤێ خالێ دا و لبەرامبەر نەرازیبوونێن خەلکێ کوردستانێ و بێدەنگبوون لبەرامبەر گرتنا بکۆما چالکڤانان لدهۆک و هەولێرێ و سلێمانیێ.
هەڵبەت دڤێ رەوشا ناهەموار یا هەرێما کوردستان تێدا دەربازدبیت وخەلکێ وێ هەرێمێ باجاوێ دەدەت، و ناکوکیێن دگەل بەغدا و نارونییا پاشەرۆژێ دگەل رەوش و وێ ململانێیا دنافخۆیا پارتێن کوردستانێ دا هەین، هەروەسا چالاکبوونا گرۆپ و کەنالێن نەرازی لسەر سوشیال مەدییا و کاریگەرییا وان لسەر خەلکی دهەمان وەختێ بزاڤ و چالاکبوونا سونبلێین نەرازیبوونێ لناڤخۆیا کوردستانێ، مینا مامۆستا بەدەل و شێروان شێروانی و هەڤاڵێن وان، وێ چەندێ وەکر کو دەستهەڵات ڤێ رێکێ بگریتە بەر و لگەل وێ چەندێ کو ئەو دزانیت کو پێنگاڤەکا بڤی رەنگی دێ لسەر وێ گران ڕاوەستیت، لبەرامبەر کونسلێن دەولەتێن بیانی لهەولیر و لبەرامبەر دەزگەهێن مافێن مڕۆڤا یێن نیڤ دەولەتی و لبەرامبەر خەلکێ کوردستانێ، بەلێ وێ ئەو رێ گرتە بەر و بکۆمەڵ ئەو چالاکڤان لدهۆک و هەولێر و هەتا لسلێمانیێ ژی بفەرمانین دادی ئێخستنە زیندانێ.
حزبەکا وەکو پارتی باش دزانیت کو بگرتنا شێروانەکی یان بەدەلەکی یان هەر چالاکڤانەکێ دی، ئەو دێ پێگەه و کارتێکرننا وانا زێدەتر لێکەت و دێ وان کەتە قەهرەمان دناڤ خەلکی دا و مومکینە دڤێ ماوێ ئەو زیندانکری و ماوەیەک دژی وان بهێلیت و لدویڤدا ببریارا دادگەهێ دێ وان ئازادکەت و لدواڕۆژدا و گەر روەشا هەرێما کوردستانێ و دام و دەزگەهێن وێ وەکو خۆ مان و خۆلەکا دی یا هەلبژاردنا لکوردستانێ برێڤەچوو ، ئەڤ سونبلێین چالاکڤانان ببن سوارچاکێن بەرلەمانابهێت.
بەلێ پرس ئەڤیە، گەلو گەر پارتی ڤی تشتی بزانیت و بزانیت لدوماهییێ ئەڤ چالاکڤانە بسەر بلندی و خورتر ژبەرێ دێ هێن ئازادکرن و ئەو بخۆ دێ فەرمانا ئازادکرنا وان چالاکڤانادەت دادگەهێ و دادگەه دێ وان ئازادکەت و ئەو دێبنە سەرەرم و سۆنبل دناڤ کۆمەڵگەهێدا، پا ئەڤە چبو، وێ کری؟ و وێ ژبو چی و ژ ئەساس دا ئەڤ تشتەکر؟
بەرسڤا ڤێ پرسیارێژی بو ڤێ چەندێ دزڤریت کو شەپ و شۆرییا دەستهەڵات تێدا و دڤان کاودانێن نازکدا ئەوێن مە بەحسکرین و هەتاکو وێ تەڤن و گڵۆلکا ئاریشێن ناڤخۆ و یێن دگەل بەغدا و دگەل هەڤشەریکێت خو دناڤ هەرێمێدا، چارەسەرکەت و وەکو ئەم دزانینن چارەسەرکرناوان دێ یا بزەحمەتبیت و کەس نەشێت وی تەڤنێ هۆسا ئاڵۆز ژێک بینیت دەرێ وان ئاریشێن چەندەها ساڵە کەفتینە سەرئێک چارەسەرکەت، ڤێجا ئەو کارێ وان کری بتنێ بو بدەستڤەئینانا وەختی بو.
خالادییا گرتنا ڤان چالاکڤانا ئەوبو دا رێگرییێ بکەت ژ تەشەنەکرن و بەڵاڤبونا وان ژئالەکی و ژئالەکێ دیڤە وەکو پەیامەکێ بو وان کەسێن وێ رێکێ دگرنە بەرخۆر و بتایبەت ل سنورێ زۆنا زەر و بتایبەت لدهۆکێ، کو پارتی بێی کو دەستبەرداری هەولێرێ ببت، ئەڤە دەمەکە درێژە یا کارەکێ بەردەوام و بشەڤ وڕۆژ دکەت و بێ راوەستیان، ژبو کو دهۆکێ لشوینا هەولێر و پیرمام و سەرێ رەش، بکەتە پێگەه ژبۆ خۆ , وەکو چەوا سلێمانیێ پێگەهە ژ بو رکابەرێن وێ یێن مێژوویی