خوێن بەرامبەر ئاخێ یان ئاخ بەرامبەر خوینێ!

نزار پیرۆ
  2020-10-15     195
خۆشترین رۆژ دژیانا هەر کوردەکیدا کو وێ خۆشییێ تامەک تایبەت هەبو شەڤا ٢١ ئادارێ بو ساڵا ١٩٩١ گاڤا پێشمەرگێ کوردستانێ کەرکوک رزگارکری و ئاڵایێ کوردستانێ لسەر دام و دەزگەهێن وێ بلندکری. نەخۆشترین شەڤ دژیانا هەر کوردەکیدا شەڤا ١٦ ئۆکتوبەرێ بو  ساڵا ٢٠١٧ گاڤا د ئەنجامێ  شاشییەکا ئیستراتیجی یا بریارەکا نە دراسەتکری و نە دوەختێخودا یا  سەرۆکێ پارتی و ریکەفتنەکا کوژەک و یاریەکا سیاسیا شاش یا  چەند کەسێن دناڤ یەکێتی پێکئینای، هێزێن کوردی، باژێرێ کەرکوک بکوردڤە تەسلیمی حەشد و هێزێن عێراقی کر.


رێکەفتن دناڤبەرا هێزێن دژبەر دهێنەکرن کو دبەرژەوەدیا هەردوولایادا بیت و نمونە زۆرن،  وەکو رێکەفتنا خاک بەرامبەر ئاشتیێ ئەوا لساڵا ١٩٧٨ دناڤبەرا میسرو  ئیسرائیل هاتیە ئیمزاکرن و لدویڤدا هەر رێکەفتنەکا دناڤبەرا فەلەستین و ئیسرائیلدا هاتبیتەکرن کێشا سەرەکی یا سەرنەگرتنا وان رێکەفتنا ئاخ بوویە و ئەڤە  وێ چەندێ دیاردکەت کو ئاخ یان عەردێ هەر میللەتەکی یان دەولەتەکێ خەتا سۆرە و یا پیرۆزە.


ئەم وەکو کورد و باشۆرێ کوردستانێ مە کێشا عەردی  یا هەی دگەل دەولەتا عێراقێ و ەسا دیاربو کو جوغرافیا کوردستانێ وئاخا کوردستانێ نە ئەجندا سەرەکی بووینە د هەڤرکیێن دەستهەڵاتا کوردی لباشۆرێ کوردستانێ دگەل بەغدا و  دئەنجامدا چ پێشکەفتن دڤێ  خالێدا  نەهاتنە پێش و لشوینا وێ ئاخا کوردستانێ دڤان ساڵێن درێژدا یا بوویە مۆلگەه ژبو هێزو سیخورێن دەولەتێت وەکو تورکیا و ئیران و وان هێزێن کوردی یێن بەشێن دییێن کوردستانێ.

چ پێنەڤێت هەردوو لایەنێن دەستهەڵاتێ لباشۆر  خودییێ بدەهان رێکەفتنێن ئاشکرا و بن بنڤە بنڤەنە دگەل تورکیا و ئیرانێ و ئەو رێکەفتن لشوینا کو دخزمەتا پاراستنا ئاسایشا بلندا  هەرێمێدابن ، یێ دخزمەتا ئاسیشا بەرتەنگا حزباندا و دخزمەتا ئاسایشا نەتەوی یا وان دەولەتا و گەلەک
 جارا دەستکفتێن نەتەوی و خاکێ کوردستانێ دبیتە قۆربانییێ وان بەرژەوەندیا.


شەنگار وەکو دەڤەرەکە داگیرکری لدەسپێکێ لجەم داعشڤە و وان ئێش و ئازارێن ئیناینە سەرێ گەلێ مە  یێ ئێزدی و  ببهانەییا پارێزەرییێ  ژ وی گەڵێ  رەسەن هێزێن پکک بنکەه و مولگەهێن خۆ دانان شەنگار و  شییان بوێ خۆراگری و بەرگرییا وان  لئێزیدیا کری لوی دەمێ کو هێزێن دی یێن کوردی ئێزیدی  بتەنێ هێلاین ددەستێت داعشدا، ئەوبو وەکو پاداشتەک خەڵکەکی ژگەلێ مە یێ ئێزیدی لدویڤ ئایدیولوژیا وان رکخستنێن خۆ چێکرن ژبو کو پارێزییێ ژ خەلکێ خۆ بکەن و ئەڤە بو جهێ نیگەرانی یا تورکیا کو دئەساسدا  وێ دڤییا برێکا داعش نەهێلیت هێزێن  پکک دەست بەسەر چیایێ شنگاردا بگرن.

لدویڤدا گەلەک جارا تورکیا هەوڵدان برێکا هەڤپەیامانێت خۆ  لهێزێن کوردی لباشۆر کو جارەکادی دەست بەسەر شەنگاردا بگرن، جار بگەفان و جار ژی بئاراستەکرنا پێشمەرگەهێ رۆژ  و  لڤاندنا وێ هێزێ بەرف شەنگار  و دهەمان دەمدا بوردومانکرنا بەردەوام یا فروکێن تورکیا بو  چیایێ شەنگار، بەلێ وان هەوڵا هەمییا شکەست ئینا و  ئەگەرژی ئەوبوون  نەئامادەییا  تاکێ کورد کو جارەکادی شەرێ کورد و کورد قەبولبکەت.

سەخمەراتی هەوڵێن تورکیا   و گفاشا وان لسەر هەڤپەیمانیێن خۆ لباشۆر کو  شەرێ کورد و کورد بهێت ئەنجامدان ، خۆشبەختانە  ئەو تشت بەروڤاژی حەزێن تورکیا بو، ئەوبو هزر درێکەکا دی دا هاتەکرن دا کو ئەو تشتێ تورکیا بزاڤێ بو دکەت پێکبێت و بچ نرخێ هەبێت، گەر  ئەو نرخ دەست بەردان بێت  ل بەشەکێ  ئاخا کوردستانێ، ئەو بو رێکەفتنا  هەولێر و بەغدا   لسەر شەنگار هاتە کرن و ئەو دەڤەر  بئەمنی و عەسکەری و ئیداری ڤە تەسلیمی بەغداکر   لبەرامبەر   نەهێلانا  هێزێن پکک  و یەپەشێ لچیایێ شنگار.
زۆرترین بینراو
© 2020 Awene Online, Inc. All Rights Reserved.
×