2019-09-01   711     
پەرلەمانتارێکی رەوتی حیکمە لە ئەنجوومەنی نوێنەرانی عێراق رایگەیاند، ''گەر دەستەی حەشدی شەعبی هەڵبوەشێتەوە، بەهەمان شێوە حکوومەتەکەی عادل عەبدولمەهدی هەڵدەوەشێتەوە''.
ئاوێنه: لەمیانی لێدوانێکی رۆژنامەوانیدا ئەسعەد مورشدی، پەرلەمانتاری رەوتی حیکمە لە ئەنجوومەنی نوێنەرانی عێراق ئاماژەی بە ئەگەری هەڵوەشاندنەوەی دەستەی حەشدی شەعبی کرد و ورایگەیاند، ''هەڵەیەکی سیاسی گەورە دەبێت و حکوومەت هەڵدەوەشێتەوە''.
هاوکات پەرلەمانتارەکە دەڵێت، “حەشدی شەعبی دامەزراوەیەکی ئەمنییەو بەشێکە لە مەنزومەی سەربازی عێراق، لەهەمان کاتدا بە پیرۆزیی قوم و نەجەف و تەهران درووستبووە. ویلایەتە یەکگرتووەکانی ئەمریکا ناتوانێت حيشدی شەعبی هەڵوەشێنێتەوە، لەهەمان کاتدا حکوومەت لە توانایدا نییە ئەم کارە بکات''.
شایەنی باسە پەرلەمانتارەکە دەڵێت، ''حەشدی شەعبی بە فەتوای مەرجەعیەی باڵا درووستبووە و وڵاتی رزگار کردووە لە تیرۆرۆ نەوەک هێزەکانی بەرگری و سووپا. لەپێناو رزگارکردنی وڵات چەندین شەهید و برینداری داوە. گەر حکوومەت هەوڵی هەڵوەشاندنەوەی حەشدی شەعبی بدات، ئەمەیان هەڵەیەکی سیاسی گەورە دەبێت و حکوومەت بە دەستی خۆی هەڵدەوەشێتەوە''.