ئێوارەی ئەمڕۆ چوارشەممە، تەرمی هاوڵاتییەك لەنێو ئۆتۆمبێلەكەی لە ناوچەی ژاڵەی سلێمانی بەكوژراوی دۆزرایەوە.
ئاوێنە: میدیای یەكێتی لە زاری وتەبێژی دەزگای ئاسایشی هەرێمى کوردستانەوە بڵاویكردۆتەوە، ئێوارەی ئەمڕۆ تەرمی هاوڵاتییەك بە کوژراوی لەنێو ئۆتۆمبێلەکەی خۆی کە تاکسییە، لە ناوچەی ژاڵەی سلێمانی دۆزراوەتەوە و لێکۆڵینەوە لە روداوەکە بەردەوامە.
بەگوێرەی زانیارییەكان ئەو كەسەی تەرمەكەی بە كوژراوی دۆزراوەتەوە ناوی "ئومێد شێخ عەلی" بوەو شوێنەوای فیشەك بەجەستەیەوە دیار بوە.