کەشناسی ڕایدەگەیەنێت کە لەگەڵ تاوەباران و بروسکەی پچڕ پچڕدا پلەی گەرما نزم دەبێتەوە و ڕۆژی هەینیش ئاسمان ساماڵ و پەڵەهەور دەبێت.

ئاوێنە: بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ پێنجشەممە، ئاسمان بە گشتی لە نێوان نیمچە هەور و هەوری تەواودا دەبێت لەگەڵ بەردەوامی ناجیگیری کەش بەهۆی بارینی تاوەباران و بروسکەی پچر پچر لەزۆربەی ناوچەکانی هەرێم.

ئەوەشی خستەڕوو کە بۆ کاتەکانی ئێوارە کەش سەقامگیر دەبێتەوە و ئاسمان بەرەو ساماڵ دەگۆڕێت.
کەشناسی ڕاشیگەیاند، ئەمڕۆ پلەی گەرما 3-6 پلە دادەبەزێت.

سەبارەت بە سبەینێ هەینیش کەشناسی ڕایگەیاند، ئاسمان ساماڵ و پەڵەهەور دەبێت و پلەی گەرما 3-4 پلە بەرزدەبێتەوە.

هەولێر : 30 پلەی سیلیزی
سلێمانی : 28 پلەی سیلیزی
دهۆک : 27 پلەی سیلیزی
کەرکووک : 32 پلەی سیلیزی
زاخۆ : 26 پلەی سیلیزی
هەڵەبجە : 26 پلەی سیلیزی
سۆران : 26 پلەی سیلیزی
حاجی ئۆمەران : 16 پلەی سیلیزی
گەرمیان :33 پلەی سیلیزی