تۆفیق کەریم

تا ئێستا حەوت کۆبەرهەمی نووسەرانمان ئامادەکردووە وبەچاپمان گەیاندوون( شەکیب، پاڕەزانی ، شێخی خاڵ ،مەسعود محەمەد، هەژار ، فارابی ، مەلا جەمیل )، هەریەکەیان چیرۆکی ترش و شیرینی خۆی هەیە.

کۆبەرهەمی مەلاجەمیل بیرۆکەی ئامادەکردنی هی کاکە حەمەی حەمەباقی بوو، هەر دەستی گرتین و لە هەولێرەوە بردینیە کەرکوک و مۆڵەت و پشتیوانیی بنەماڵەی بۆ وەرگرتین، لەوێشەوە هێناینیەوە بۆ سلێمانی بەڵکو حکومەت قەرزی ئەو پیاوە بە خزمەتە بداتەوە، کە لەوێ دڵمردە بوین، گەیاندینیە دەزگای کەریمی عەلەکە و ئەوان ئامادەیی شەریکبوونیان دەربڕیی، بەو دڵخۆشییەوە ستافمان دامەزراند د زریان حاجی بووبە ڕاوێژکارمان و ئێمەش ( هوشیار بەکر لەکەرکوک، ئومێدڕۆژبەیانی لەکەلار، م موەفەق میراودەلی لە پشدەر ، تۆفیق کەیم لە هەڵەبجە، )، د یاسین تەهامان بەدەمڕاستی خۆمان هەڵبژارد، بۆ زیاتر لەدوو ساڵە کنەو بشکنین و ساغکردنەوە و کۆکردنەوە بەرهەمەکانی مەلا جەمیل دەکەین پاش ئامادەکردنیان ،دەینسپێرین بە ئیبراهیم دەروێش، وریاعەلی ئەوانیش تایپیان دەکەن و ئەیاندەن بە ڕێبەر محەمەد و سوهەیب فاروق تا هەڵەگریان بکەن ، ئەوجا پێمان بدرێنەوە بۆ پێداچونەوە ، هەر هەمووشی بە جێلمە تەسلیمی ڕەوشت رەوشت محەمەد بکەین تا دیزانیان بکات، ئەم پرۆسەیە زیاتر لە دووساڵی خایاند،، بە دەیان کوبونەوە و سەدان پەیوەندی و هەزاران تێبینی ئەوجا گەیشتینە مەنزڵ، بە مەرجێک پێش ئێمه بە سیازدە ساڵ م موەفەق میراودەلی کونوقوژبنی هەرچی گۆڤار و ڕۆژنامە کە لە ساڵەکانی سی سەدەی ڕابردووەوە دەرچوون تا ساڵی ۲۰۰۳ گەڕاوە، زیاتر لە هەزار لاپەڕەی کۆکردووەتەوە، کاک هوشیار و بنەماڵەش هەزاران لاپەڕەیان کۆکردبووەوە.

ئەمەی نووسیومە منەتکردن نییە ، هەڵبژادە و دڵخوازیی خۆمە، بەڵام سەری هاوڕێیانم ئێشاند تا بزانن کۆکردنەوە و ئامادەکردنی ئەم کۆبەرهەمانە بەسەبرێک و دوو فوو نەبووە.