هاوشێوەی بەغداو
چەند شارێكی تری عێراق لەخانەقین خۆپیشاندان دەستی پێکردو خۆپیشاندەران بە هەڵکردنی
ئاڵای کوردستان و عێراق دروشم ئەڵێنەوە.
ئاوێنە، ئەیاد
محەمەد: لەقەزای خانەقینی سەر بەپارێزگا دیالە هاوشێوەی شارەکانیتری عێراق خۆپیشاندان
لە سەرلەبەیانی ئەمڕۆ(دوشەممە)وە دەستی پێکردوە و تاوەکو ئێستا بەردەوامە.
عەلی تاڵب، یەكێك
لەرێکخەرانی خۆپیشاندانەکەی خانەقین بە ئاوێنەی راگەیاند "لەئێستادا خۆپیشاندان
لەناو بازاڕ لای فلکەی عەزیز پشتیوان دەستی پێکردوە، ئەوانەی ئێستا لەسەر شەقامن
داوای دامەزراندن و مافەکانیان دەکەن، هەروەها پشتیوانی لەخۆپیشاندانەکانی عێراق دەکەن."
وتیشی"لەخۆپیشاندانەكەی
ئەمڕۆی خانەقیندا هەردو ئاڵای کوردستان و عێراق هەڵکراوە، تاوەکو ئێستا بەردەوامەو
ڕۆژانی داهاتوش بەردەوام دەبێت، خۆپیشاندەران داوای دابینکردنی ئارامی و ئاسایش دەکەن
لەقەزای خانەقین".
هێمای بۆ ئەوەش کرد"سوپاسی
هێزە ئەمنیەکان دەکەین ئەمنیەتی خۆپیشاندانەکە دەپارێزن، تاوەکو ئێستا بەئارامی خۆپیشاندان
بەڕێوەدەچێت و تەئکیدی کردوە ڕۆژانی داهاتوش بەردەوام دەبن."
