ههریهكه له بانكی رافیدهین و كۆمپانیای دڵنیایی نیشتمانی عێراق، له پاڵ سكاڵاتهكهی وهزارهتی دارایی فیدراڵدا، سكاڵایان لهدژی بڕیارێكی ساڵی 1992ی حكومهتی ههرێم تۆماركرد كه تایبهته به بهناوكردنی موڵكهكانی حكومهت بهناوی وهزارهتی دارایی ههرێمی كوردستانهوه.
ئاوێنه: بهپێی ماڵپهڕی رهسمی دادگای فیدراڵی جگه له تهیف سامی، وهك وهزیری وهزیری دارایی عێراق، ههریهكه له كۆمپانیای دڵنیایی نیشتمانی عێراق و بانكی رافیدهین، سكاڵایان لهدژی بڕیارێكی ساڵی 1992ی حكومهتی ههرێم تۆماركردوه كه تایبهته به بهناوكردنی موڵكهكانی حكومهت بهناوی وهزارهتی دارایی ههرێمی كوردستانهوه.
له سكاڵاكاندا داوا كراوه، دادگاكه بڕیاری ژماره 3326ی حكومهتی ههرێم كه له 24/11/1992 دهرچوه به نادهستوری بناسێنێت، چونكه بڕیارهكهی حكومهتی ههرێم سهرجهم موڵكه حكومییهكانی له ههرێمی كوردستان بهناوی وهزارهتی دارایی ههرێمی كوردستانهوه تۆماركردون لهكاتێكدا پێشتر بهناوی حكومهتی ناوهندیی عێراقهوه تۆماركرابون.
سكاڵاكان لهسهر ههریهكه له سهرۆكی حكومهتی ههرێم و وهزیری داد و وهزیری دارایی ههرێمی كوردستان تۆماركراون.
بڕیاره یهكهم دانیشتنی دادگاكه لهبارهی ههر سێ سكاڵاكهوه له 10ی حوزهیرانی ئهمساڵ بهڕێوهبچێت.