وتەبێژی حەج و عومرەی كوردستان رایگەیاند، ئەمڕۆ حاجییانی كوردستان شاری مەككەیان بەجێهێشت و دەگەنە مەدینە، بڕیارشە ڕۆژی چوارشەممە سەرجەم حاجییان بگەڕێنەوە كوردستان.
ئاوێنە: کاروان ستوونی، وتەبێژی بەڕێوەبەرایەتیی گشتیی حەج و عومرەی کوردستان وتی "ئەمرۆ شەممە 6ـی 6ـی 2026، دوا كاروانی حاجییانی کوردستان شاری مەککەیان بەجێهێشت و بەرەو شاری مەدینە بەڕێ کەوتن".
وتیشی "هەر ئەمرۆ سەرجەم حاجییانی کوردستان دەگەنە شاری مەدینە و بەپێی ئەو خشتەی کە دانراوە "تاوەکوو رۆژی 10ـی 6ـی 2026، سەرجەم حاجییانی کوردستان بە ڕێگەی ئاسمانی دەگەڕێنەوە کوردستان".
ستونی ئاماژەی بەوەشداوە، لە پلانیاندایە کە بۆ پرۆسەی حەجی ساڵی داهاتوو زیاتر و زیاتر خزمەتگوزاری پێشکەش بە حاجییان بکرێن.