بەپێی پێشبینییەکانی کەشناسی، لە ماوەی 48 کاتژمێری داهاتودا گۆڕانکاری لە پلەکانی گەرما ڕودەدات، بە جۆرێک ئەمڕۆ پلەکانی گەرما بەرز دەبنەوە و لە چەند ناوچەیەکى هەرێم پلەکانى گەرما دەگاتە 42 پلە، بەڵام بۆ سبەی هەینی ئاسمان دەبێتە پەڵە هەور و پلەکانی گەرماش جارێکی دیکە ڕو لە نزمبونەوە دەکەن.

ئاوێنە: بەڕێوەبەرایەتی کەشناسی و بومەلەرزەزانی هەرێم ڕایگەیاند، بۆ ئەمڕۆ پێنجشەممە ئاسمانی ناوچە جیاجیاکان بە گشتی ساماڵ دەبێت و پلەکانی گەرماش بەراورد بە دوێنێ یەک تا دو پلە بەرز دەبنەوە. خێرایی با لەسەرخۆ بۆ مامناوەند دەبێت و ئاراستەکەشی بەرەو باکوری خۆرئاوا دەبێت.

سەبارەت بە کەشوهەوای سبەی هەینی، پێشبینی دەکرێت ئاسمان لە ساماڵەوە بۆ پەڵە هەور بگۆڕێت و پلەکانی گەرماش بەراورد بە ئەمڕۆ دو تا سێ پلە نزم ببنەوە. خێرایی با کەمێک کەمدەبێتەوە و لە نێوان 10 بۆ 20 کم/ک دەبێت، هاوکات ئاراستەی با و مەودای بینین وەک خۆیان جێگیر دەمێننەوە.

بەرزترین پلەکانی گەرمای پێشبینیکراو بۆ ئەمڕۆ؛ 
هەولێر: 42 پلەی سیلیزی 
پیرمام: 37 پلەی سیلیزی
سلێمانی: 39 پلەی سیلیزی
چەمچەماڵ: 42 پلەی سیلیزی
دهۆک: 40 پلەی سیلیزی
زاخۆ: 42 پلەی سیلیزی 
حاجی ئۆمەران: 30 پلەی سیلیزی 

بەرزترین پلەکانی گەرمای پێشبینیکراو بۆ سبەی؛
هەولێر: 39 پلەی سیلیزی 
پیرمام: 34 پلەی سیلیزی
سلێمانی: 38 پلەی سیلیزی
چەمچەماڵ: 40 پلەی سیلیزی
دهۆک: 39 پلەی سیلیزی
زاخۆ: 40 پلەی سیلیزی 
حاجی ئۆمەران: 27 پلەی سیلیزی