یهرهكه، باڵی سهربازیی پژاك پەیوەست بە جموجۆڵی هێزەکانی ئێران لە سنوری مەریوان ڕایگەیاند، وەڵامی دوژمن دراوەتەوە، بەبێ ئەوەی هیچ زیانێک بە هێزەکانمان بگات، لە ڕوداوەکاندا کوشتن و برینداربون لە ریزی هێزەکانی دوژمن ههبوه.
ئاوێنه: ناوەندی ڕاگەیاندن و چاپەمەنی یەکینەکانی پاراستنی ڕۆژهەڵاتی کوردستان(یەرەکە)، باڵی سهربازیی پارتی ژیانی ئازادی كوردستان(پژاك) پەیوەست بە جموجۆڵی هێزەکانی سوپای پاسداران لە ناوچەی مەریوانی ڕۆژهەڵاتی کوردستان ڕاگەیاندراوێکی بڵاوکردەوە.
لە ڕاگەیاندراوەکەدا هاتوە، لە ڕێککەوتی 7ی مانگی حوزەیرانەوە، پەیوەست بە ناوچەی مەریوان جموجۆڵی هێزەکانی سوپای پاسدارانی کۆماری ئیسلامی ئێران لهدژی هێزەکانمان دروستبوە و دوژمن بە تۆپ و هاوەن ناوچەکە بۆردومان دەکات.
وتوشیهتی، لە چوارچێوەی مافی پاراستنی ڕەوادا، هێزەکانمان بێ وەڵام نەمانەوە و وەڵامی هێرشەکانی دوژمنیان دایەوە، بەبێ ئەوەی هیچ زیانێک بگات بە هێزەکانمان، لەم ڕوداوانەدا کوشتن و برینداربون لە ریزی هێزەکانی دوژمن ههبوه.