وتەبێژی وەزارەتی گواستنەوە و گەیاندنی هەرێمی کوردستان دەڵێت: بەمزوانە پڕۆژەی تاکسیمیتەر بەشێوەی ئهزمونی لە سەنتەری هەردو پارێزگای هەولێر و سلێمانی دەخرێتە بواری جێبەجێکردن.
ئاوێنه: دیلان رەشاد، وتەبێژی وەزارەتی گواستنەوە و گەیاندنی حکوومەتی هەرێمی کوردستان، ئهمڕۆ شهممه، به میدیای پارتی راگهیاند، لە هەرێمی کوردستاندا 71 هەزار تاکسیی تۆمارکراو هەن کە سەرجەمیان لە چوارچێوەی رێنمایی و بڕیارەکانی وەزارەتی گواستنەوە و گەیاندندا کار دەکەن.
وتەبێژی وەزارەتەکە ئاشکرایکرد، بەمزوانە پڕۆژەی "تاکسیمیتەر" بە شێوازێکی ئەزمونی و تاقیکاری لە سەنتەری هەردو پارێزگای هەولێر و سلێمانی دەخرێتە لواری جێبەجێکردن.
هاوکات ئاماژەی بەوەش دا، جێبەجێکردنی ئەم پڕۆژەیە لە بەرژەوەندیی راستەوخۆی هاوڵاتییاندایە و هاوکار دەبێت لە رێکخستنەوەی کرێی گواستنەوە بەشێوەیەکی دادپەروەرانە.