پەرلەمانتارێکی جوڵانەوەی نەوەی نوێ لە بەغدا هەواڵێکی خۆش لەسەر بەنزین بڵاودەکاتەوە و بەوتەی خۆی لیژنەی پەرلەمانی عێراق لەسەر دوو پێشنیار رێککەوتون کە یەکێک لەوانە؛ بەنزینی ٤٥٠ دیناری بۆ هەرێم دابینبکرێت.
ئاوێنە: مژدە محەمەد، ئەندامی پەرلەمانی عێراق لەسەر فراکسیۆنی جوڵانەوەی نەوەی نوێ لە پێگەی خۆی بە ناونیشانی (هەواڵێکی خۆش لەسەر بەنزین) بڵاودەکاتەوە و تیایدا دەڵێت "لیژنەکەی پەرلەمانی عێراق لەکۆتایی گەیشتە دوو پێشنیار بۆ وەزارەتی نەوت".
دەشڵێت "یان دەبێت لەبەرامبەر ٥٠ هەزار بەرمیلەکە عێراق بەنزین بۆ هەموو هەرێمی کوردستان دابین بکات بە ٤٥٠ دینار هاوشێوەی هەموو عێراق".
هاوکات، "یان ٥٠ هەزار بەرمیلەکە زیاد بکرێت، بەڵام دەبێت بەنزین 'مەدعوم' بێت و هەر ٤٥٠ دینار بێت".
"لەهەردوو حاڵەتەکە لەبەرژەوەندی خەڵکی کوردستانە، بۆ بیرهێنانەوە ئەم لیژنەیە لەسەر داوای فراکسیۆنی نەوەی نوێ دروستکراو ئەم دوو پێشنیارەش بەرهەمی ئەو لیژمەیە بوو". ئەندامەکەی جوڵانەوەی نەوەی نوێ وای وت