وەزیری دارایی عێراق ڕایگەیاندوە، هەرێمی کوردستان 120 ملیار دینارەکە بنێرێت یان نا، ئەو موچەی فەرمانبەرانی هەرێم هەر دەنێرێت جا بەلێبرینی داهاتی ناوخۆوە یان ناردنی موچە بەتەواوەتی، ئەوەش بەوتەی ئەحمەد حاجی ڕەشید، ئەندامی پەرلەمانی عێراق.
ئاوێنە: ئەحمەد حاجی ڕەشید لەلێدوانێکی ڕۆژنامەوانیدا ڕایگەیاند، "وهزیرى دارایی وتى، ئەگەر هەرێمی کوردستان 120 ملیار دیناری داهاتی ناوخۆی نارد، مانگانە موچە وەک خۆی دەنێرم ئەگەر نەینارد ئەوا بەلێبڕینی 120 ملیار دینارەکەوە دەینێرم".
بەوتەی ئەحمەد حاجی ڕەشید، "وەزیری دارایی عێراق وتویەتی تەنها یەک کێشەیان لەبەردەمدایە ئەویش نەبونی پارەی نەختینەیە، ئەگەر هەرێمی کوردستان تەرازوی پێداچونەوە ڕادەستبکاتو وەزارەتی نەوت پشتڕاستیکردەوە هەناردەی نەوتی هەرێم بەردەوامە، ئەوا پرسی 120 ملیار دینارەکە نابێتە کێشە".