عێراق و تورکیا بەیاننامەیەکی هاوبەشیان بڵاوکردەوە بەبۆنەی کۆتاییهاتنی سەردانی فەرمیی عەلی زەیدی سەرۆکوەزیرانی عێراق بۆ ئەنقەرە. سەرۆکوەزیران و سەرۆککۆماری تورکیا جەختیان کردەوە لەسەر ویستی خۆیان بۆ بەردەوامبوون لەسەر ڕێبازە بونیادنەر و بەهێزکردنی هاوکارییە ستراتیژییەکانی نێوان هەردوو وڵات.
ئاوێنە: رەجەب تەیب ئەردۆغان، سەرۆکی تورکیا لەمیاندیدا وتی "ناوچەکە بە بارودۆخێکی قورسدا تێدەپەڕێت. پرسەکانی ئاسایش و وزە لە پێشینەی گفتوگۆکانمانن لەگەڵ سەرۆک وەزیران عەلی زەیدی.
وتیشی "عەلی زەیدی سەرۆکوەزیرانی عێراق لە قۆناغێکی گرنگی مێژووەکەیدا سەرکردایەتی دەکات".
بەوتەی ئەردۆغان بێت، ئامادەی هاوکاریین لەگەڵ عێراق لە بواری وزەدا. دەشڵێت "ئێمە لە دیالۆگێکی بەردەوامداین لەگەڵ عێراق لەپێناو بەدیهێنانی سەقامگیری و ئاسایش لە ناوچەکەدا".
سەرۆکی تورکیا سڵاو بۆ گەلی عێراق دەنێرێت و بە "برا" وەسفیان دەکات و دەڵێت "ڕێگای گەشەپێدان ڕۆژ لە دوای ڕۆژ گرنگیی زیاتر دەبێت و عەلی زەیدی سەرۆکوەزیران هەوڵ بۆ جێبەجێکردنی دەدات."
لای خۆشیەوە عەلی زەیدی سەرۆکوەزیرانی عێراق ئاماژە بەوە دەکات کە لەگەڵ تورکیا هاوبەشن لە جوگرافیا، وزە و ئاودا.
رونیشیکردەوە "پەیوەندییەکانی نێوان عێراق و تورکیا زیاتر بەرەوپێش دەچن. لە ئێستاوە دەست دەکەین بە جێبەجێکردنی پڕۆژەی ڕێگای گەشەپێدان".