ئەرشەد ساڵحی، سهرۆكی فراكسیۆنی بهرهی توركمانی له پهرلهمانی عێراق داوا له عهلی زهیدی، سهرۆك وهزیران و فهرماندهی گشتی هێزه چهكدارهكان دهكات، هێزه فیدراڵییهكان له كهركوك و خورماتو بهێڵێتهوهو دهشڵێت، نابێت هیچ هەنگاوێک بنرێت كه ببێتە مایهی گەڕانەوەی گرژی بۆ ئەم ناوچانە.
ئاوێنه: ئەرشەد ساڵحی، سهرۆكی فراكسیۆنی بهرهی توركمانی له پهرلهمانی عێراق له راگهیهندراوێكدا وتی، بە گرنگییەکی زۆرەوە بەدواداچون بۆ ئەو هەواڵانە دەکەین کە باس لە ئهگهری گۆڕانکاری لە دۆسیەی ئەمنیی پارێزگاكانی کەرکوک و سەڵاحەدین دەکەن و جەخت لەسەر پێویستیی پاراستنی ئەو سەقامگیرییە ئەمنییە دەکەینەوە کە بە قوربانیدانی هێزە ئەمنییەکانمان بەدەستهاتوە.
وتوشیهتی، داوا لە سەرۆک وەزیران و فەرماندەی گشتیی هێزە چەکدارەکان دەکەین بەردەوامیی بە مانهوهی هێزە فیدراڵییەکان بدات لە قەزای خورماتو و پارێزگای کەرکوک، هەروەها بەردەوامیی بدات بە سەپاندنی دەسەڵاتی حکومەتی فیدراڵی بەسەر تەواوی سنورە ئیدارییەکاندا، بەجۆرێک کە پاراستنی سەرجەم هاوڵاتییان و بەهێزکردنی شكۆی دەوڵەت و سەروەریی یاسا مسۆگەر بکات.
ئهرشهد ساڵحی ئاماژهی بهوهشداوه، متمانهمان به دانایی سەرکردایەتیی عێراق و پەرۆشییان ههیه كه هیچ هەنگاوێک نانێن ببێتە مایهی گەڕانەوەی گرژی بۆ ئەم ناوچانەو جەخت دەکەینەوە کە ئاسایش و سەقامگیریی کەرکوک و خورماتو دەبێت وەک ئهولهویهتێكی نیشتمانی بمێننەوە.