دهم پارتی پهسهندكردنی پڕۆژه یاسای چوارچێوهی "بەهێزکردنی هاودهنگی نیشتمانی و یەکگرتویی کۆمەڵایەتی" له پهرلهمانی توركیا به "دهستكهوتێكی گرنگ" بۆ پڕۆسهی ئاشتی و كۆمهڵگهی دیموكراتی ناودهبات و دهشڵێت، ئاشتی، دیموکراسی و یهكسانی لەم خاکەدا دەکەینە واقعێكی ههمیشهیی.
ئاوێنه: دهم پارتی، كهمێك لهمهوبهر، له راگهیهندراوێكدا كه له سهكۆی ئێكس بڵاویكردۆتهوه، وتویهتی "لە پڕۆسەی ئاشتی و کۆمەڵگەی دیموکراسیدا کە پڕۆسەیەکی مێژوییە، دهستكهوتێكی گرنگ بهدیهات. پڕۆژهیاسای "بەهێزکردنی هاودهنگی نیشتمانی و یەکگرتویی کۆمەڵایەتی" لە دانیشتنی گشتیی پەرلەماندا بە 468 دەنگ پەسەندکرا."
ئهوهشی خستۆتهڕو "ئومێدەوارین ئەم یاسایە بۆ پڕۆسەی ئاشتی و کۆمەڵگەی دیموکراسی بە سود بێت."
دهم پارتی وتوشیهتی "سوپاسی خۆمان ئاڕاستەی تەواوی ئەو پەرلەمانتار و ئەکتەرە سیاسییانە دەکەین کە بە ڕەخنە و پێشنیارەکانیان بەشدارییان کرد."
له كۆتاییشدا جهختی كردۆتهوه "لە پێناو گەلانی تورکیا و ناوچەکەدا، لەم ساتەوە باری سەر شانمان لە پڕۆسەی ئاشتی و کۆمەڵگەی دیموکراسیدا قورستر بوە. بە درککردن بەم ڕاستییە درێژە بە بهرخۆدانمان دەدەین و ئاشتی، دیموکراسی و یهكسانی لەم خاکەدا دەکەینە واقیعێكی ههمیشهیی."