شەپۆلێکی بارانبارین و سەرما ڕوو لە هەرێمی کوردستان و عێراق دەکات
  2026-11-16     

دەستەی کەشناسیی عێراق پێشبینییەکانی بۆ دۆخی کەشوهەوای ڕۆژانی داهاتوو بڵاوکردەوە و ڕایگەیاند، بەهۆی هاتنی بارستە هەوایەکی سارد لە چینە بەرزەکانی بەرگەهەوا و ناوەڕاستی ئەوروپاوە بەرەو ناوچەکە، لە ئێوارەی ڕۆژی دووشەممەوە کەشوهەوای وڵات دەکەوێتە ژێر کاریگەریی شەپۆلێکی ناسەقامگیر و بەهۆیەوە پلەکانی گەرما دادەبەزن و بارانبارین دەستپێدەکات.

ئاوێنە: ​بەگوێرەی ڕاگەیێنراوەکەی دەستەی کەشناسی، چەقی کاریگەرییەکانی ئەم شەپۆلە ناسەقامگیرە لەسەر ناوچەکانی هەرێمی کوردستان و پارێزگاکانی باکووری عێراق دەبێت و پێشبینی دەکرێت باران بە بڕ و ڕێژەی جیاواز لەو ناوچانەدا ببارێت، لە کاتێکدا کاریگەریی شەپۆلەکە لەسەر ناوچەکانی دیکەی عێراق لاوازتر دەبێت.

​سەبارەت بە وردەکاریی کەشوهەوای ڕۆژانی داهاتوو، لە ڕاگەیێنراوەکەدا ئاماژە بەوە کراوە کە ڕۆژی سێشەممە ئەگەری بارینی نمەباران لە ناوچە جیاوازەکانی هەرێمی کوردستان بەردەوام دەبێت. هاوکات لە ناوچەکانی دیکەی عێراقدا ئاسمان نیمچەهەور دەبێت و لە کاتەکانی شەودا دەگۆڕێت بۆ هەوری تەواو.

​بۆ ڕۆژی چوارشەممە، پێشبینییەکانی کەشناسیی عێراق دەریدەخەن کە ئاسمانی تەواوی ناوچەکان نیمچەهەور دەبێت، لەگەڵ بەردەوامبوونی ئەگەری نمەباران و بارانی مامناوەند کە هەورەبروسکە و هەورتریشقەی لەگەڵدا دەبێت. هەر لەو ڕۆژەدا شەپۆلەکە درێژدەبێتەوە و لە ناوچەکانی ناوەڕاست و باشووری عێراقیش نمەباران دەبارێت.

​دەستەی کەشناسی ئەوەشی خستووەتەڕوو کە ناسەقامگیریی دۆخی کەشوهەوا تاوەکو ڕۆژی پێنجشەممە درێژەی دەبێت، بەڵام جەختی لەوە کردووەتەوە کە دۆخەکە لە گۆڕانکاریی بەردەوامدایە سەبارەت بە دیاریکردنی وردی ئەو ناوچانەی کە بارانبارینەکە دەیانگرێتەوە.

زۆرترین بینراو
یەکێتی گوناحە، لای مێزەکەی "هەرێمە نوێکە" چی دەگوزەرێت؟
محه‌مه‌د فه‌یسه‌ڵ كه‌ریم خان برادۆستی ده‌ست له‌كاركێشانه‌وه‌ی پێشكه‌شی په‌رله‌مانی كوردستان كرد
وته‌بێژی پارتی: هه‌وڵی زه‌مینه‌خۆشكردن بۆ كۆبونه‌وه‌ له‌گه‌ڵ یه‌كێتی ده‌ده‌ین
دادگای فیدراڵی دۆسیەی موڵکە حکومییەکانی لە بەرژەوەندیی حکومەتی هەرێمی کوردستان یەکلایی کردەوە
دادگای فیدراڵی داوایەکی یەکێتی و نەوەی نوێی بۆ ڕاگرتنی بڕیارەکانی پەرلەمانی کوردستان ڕەتکردەوە
گرژییەکانی سوریا قووڵتر دەبنەوە؛ گروپێکی نزیک لە ئێران هەڕەشەی تیرۆرکردن لە فەرماندەکانی دیمەشق دەکات
شاسوار عه‌بدولواحید: سێ بژارده‌مان له‌به‌رده‌مدایه‌، سبه‌ی ده‌چینه‌وه‌ به‌غدا بۆ درێژه‌دان به‌ گفتوگۆكان
شارەزایەکی ئابووری ڕێڕەوەکانی بەقاچاخبردنی نەوتی هەرێم و ڕۆڵی کۆمپانیای DNO ئاشکرا دەکات
سوپای پاسداران ڕایگەیاند بنکەیەکی سەربازیی ئەمریکای لە بەحرەین کردووەتە ئامانج و جەخت لە داخرانی گەرووی هورمز دەکاتەوە
رونكردنه‌وه‌ی كاره‌بای سۆران له‌باره‌ی سفربونه‌وه‌ی قه‌رزه‌كانی پێش روناكی
© 2026 Awene Online, Inc. All Rights Reserved.
×