تۆڕی پەیوەندییە نهێنییەکانی ئاژانسی ئاسایشی نیشتمانیی ئەمریکا لەکارکەوت
  2026-11-17     

تۆڕێکی پەیوەندیی زۆر نهێنی کە ئاژانسی ئاسایشی نیشتمانیی ئەمریکا (NSA) بۆ ئاڵوگۆڕکردنی زانیاری لەنێوان کارمەندانی خۆیدا بەکاری دەهێنێت، تووشی کێشەی تەکنیکی بووە و کارکردنی وەستاوە.

 

ئاوێنە: سکای نیوزی عەرەبی لەزاری شەش سەرچاوەی ئاگادارەوە ئاشکرایکرد، سیستمەکە کە بە (ئێن ئێس ئەی نێت) ناسراوە، لەکارکەوتووە. ئەم تۆڕە ناوخۆییە رێگە بە کارمەندانی یەکێک لە هەستیارترین دەزگا هەواڵگرییەکانی ئەمریکا دەدات کە زانیارییە پۆلێنکراو و زۆر نهێنییەکان لەنێوان خۆیاندا ئاڵوگۆڕ بکەن.

ئاژانسی ئاسایشی نیشتمانیی ئەمریکا تاوەکو ئێستا بە فەرمی وەڵامی داواکاریی میدیاکانی بۆ روونکردنەوە لەسەر هۆکاری پەککەوتنی سیستمەکە نەداوەتەوە.

هەروەها، ئاژانسی ئاسایشی نیشتمانی سیستەمێکی ڕێکخستنی قۆناغبەندیی چوونەژوورەوەی کارمەندانی بۆ بیناکانی خۆی جێبەجێ کردووە، لەگەڵ بەردەوامبوونی هەوڵەکان بۆ چارەسەرکردنی کێشەکە.
بەپێی دوو بەرپرسی ئەمریکی، وەستانی تۆڕی "NSA Net" کاریگەری لەسەر توانای ئاژانسەکە نابێت بۆ گەیاندنی زانیارییە هەواڵگرییە گرنگ و پەلەکان بە دۆناڵد ترەمپ، سەرۆکی ئەمریکا.

ئەوان ڕوونیان کردووەتەوە کە حکومەتی ئەمریکا چەندین سیستەمی جێگرەوە و تۆڕی پاشەکەوتی هەیە کە دەتوانرێت بۆ پەیوەندیی پارێزراو لەگەڵ سەرۆک بەکاریان بهێنرێت.

ئەم پەککەوتنە دوای زنجیرەیەک گرفتی تەکنیکیی دیکە دێت کە تەنیا لە چەند رۆژی رابردوودا رووبەڕووی ئەمریکا بوونەتەوە. رۆژی هەینی بەهۆی ئەوەی ئیدارەی دۆناڵد ترەمپ بە "کاری هەڵە لە کێبڵێکی پەیوەندیدا" ناویبرد، گەشتە ئاسمانییەکانی ئەمریکا پەکیان کەوت و دەسەڵاتداران ناچاربوون بۆ چەند کاتژمێرێک سەرجەم گەشتەکان رابگرن، کە کاریگەرییەکەی تاوەکو ئەم هەفتەیەش درێژەی کێشا.

زۆرترین بینراو
لە سلێمانی دەست بەسەر کێڵگەیەکی برنجدا گیرا
تا کارلەکار نەترازاوە ناوی خوا بهێنن و ئارامبگرن...
عەگید کەلاری: گەلی کورد دوو ئیدارەیی قبوڵ ناکات و پارچەبوون پارتی و یەکێتیش دەڕوخێنێت
چوارچێوه‌ی هه‌ماهه‌نگی: میوانداری وه‌فدێكی سلێمانیمان كرد كه‌ پێكهاتبون له‌ نزار ئامێدی، بافڵ تاڵه‌بانی و شاسوار عه‌بدولواحید
حکومەتی عێراق: مۆڵەت دراوە کەتیبەکانی حزبوڵڵا جورف سەخر چۆڵ بکەن و ئەگەری هەیە سوپا بچێتە هەرێمی کوردستان
عێراق بڕیاریدا به‌ راگرتنی ته‌له‌گرام و هه‌رێم ده‌ڵێت: هیچ نوسراوێكی ره‌سمیمان پێنه‌گه‌یشتوه‌
نوسینگەی سەرۆکی کۆمەڵ: عەلی باپیر ڕەتینەکردوەتەوە پێشوازی لە شاسوار عەبدولواحید بکات
رۆیته‌رز: بۆرییه‌كه‌ی جورف سه‌خر كون كراوه‌و له‌ 2021ه‌وه‌ به‌ به‌های سه‌دان ملیۆن دۆلار نه‌وتی لێبراوه‌
عه‌لی حه‌مه‌ساڵح: ده‌سه‌ڵاتدارانی هه‌رێم له‌ ترسی عێراق، باری قاچاخ و تانكه‌ریان راگرت
سەعدی پیرە لەبارەی دووئیدارەیی: ئەوە هەوڵێکی کەمی بافڵ تاڵەبانییە بۆ ئەو کردە نادروستە
© 2026 Awene Online, Inc. All Rights Reserved.
×