تێكستی كۆمەڵیك لە گۆرانییەكانی هونەرمەندی بەناوبانگی ئێرانی "داریوش" دەكرێنە كوردو لەچوارچێوەی كتێبێكدا بڵاودەكرێنەوە.
ئاوێنە: تێكستی ئەو كۆمەڵە گۆرانییەی هونەرمەند "داریوشی ئیقبالی" لەلایەن نوسەر پشكۆ ناكام-ەوە لەزمانی فارسییەوە وەرگێڕدراونەتە سەر زمانی كوردی و دەزگای چاپ و پەخشی سەردەم ئەركی لەچاپدانی لەئەستۆ گرتوە.
بۆنی گەنم یان "بۆنی خۆشی گەنم"، شیعری شاعیری ئێرانی "شەهریار قەنبەری"یەو ساڵی 1972 لەلایەن داریوش ئیقبالی-یەوە كراوەتە گۆرانی و ئەلبومی گۆرانییەكانی داریوش لەو ساڵەدا بەهەمان ناوەوە بڵاوبۆتەوە.
دەوترێت داریوش ئیقبالی و شەهریار قەنبەری لەسەر ئەو گۆرانییە لە دەیەی حەفتاكانی سەدەی رابردودا لەلایەن دەسەڵاتدارانی ئەو كاتی ئێرانەوە خراونەتە زیندان.