ئەمڕۆ هەینی 8ی
مارس یەكەم رۆژی ڤیستیڤاڵی رۆژی قەزای شارەزر لەژێر دروشمی (راپەڕین، ژن، بەهارو
نەورۆز نەوای گەروی شارەزورن) بە ئەنجامدانی چەندین چالاكی جۆراو جۆر بەڕێوەچو.
ئاوێنە، ئیمان
زەندی: ڤیستیڤاڵەكە ساڵانەو لەڕۆژی 8ی مارسدا بەڕێوەدەچێت و چالاكییەكانی تایبەتن
بە یادكردنەوەی راپەڕین و رۆژی جیهانی ژنان و بەهارو نەورۆز.
ڤیستیڤاڵی رۆژی
قەزای شارەزور سێ رۆژ دەخایەنێت و رۆژی یەكەمی كە ئەمڕۆ بەڕێوەچو چەندین چالاكی
جۆر بەجۆری لەخۆگرتبو لەوانە: پێشانگای شەهیدانی دەستی تیرۆر، پێشانگای رستن و
چنینی خانمانی شارەزور، نمایشكردنی شانۆگەری و هەڵپەڕكێی كوڕان و كچان، نمایشی
لەشجوانی، كۆتایی خولی تۆپی پێی منداڵان و پێشانگای شێوەكاری.
بڕیارە لە دو رۆژی دیكەی ڤیستیڤاڵەكە چەند چالاكییەكی دیكە بەڕێوەبچن.
