2020-07-08 3050
دوای چەند ساڵێك نەخۆشكەوتنی و وەرگرتنی چارەسەر لەناوخۆ و دەرەوەی وڵات، ئەمڕۆ شێرزاد عەبدولرەحمان نوسەرو رۆژنامەنووس و ھونەرمەند بەھۆی نەخۆشی درێژخایەن لە نەخۆشخانەی رزگاری ھەولێر کۆچی دوای کرد.
ئاوێنه: شیڤان شێرزاد، كوڕی شێرزاد عەبدولرەحمان رایگەیاند، ئەمڕۆ باوكی كۆچی دوایی كردووە.
ژیاننامەی شێرزاد عەبدولرەحمان..
شێرزاد عەبدولرەحمان – گۆرانیبێژ و راگەیاندکار. ناوی تەواوی (شێرزاد عەبدولرەحمان مامە)یە، لە عەشیرەتی نانەکەلییە، ساڵی 1958 لە گەڕەكی (تەیراوە) ی شاری هەولێر لە دایک بووە، خوێندنی سەرەتایی لە قوتابخانەی زانین تەواو کردووە.
شێرزاد عەبدولڕەحمان ساڵی 1984 لەگەڵ هونەرمەندی بواری شانۆ جیهان ئەحمەد ژیانی هاوسەرگیری پێکهێناوە و خاوەن 6 منداڵە 3 کوڕ و 3 کچ، بە ناوەکانی (ئیڤان – شیڤان – سۆنیا – ئالان – سۆلین – وارڤان)، جیهان ئەحمەد خوشكی هونەرمەندان (جەلال بەیار و جەمال دیلان)ـە.