قائیمقامى هه‌ولێر : راگەیاندنی قەدەغەی هاتوچۆش ئەگەرێکی دورە
  2020-08-09       186       

قائیمقامى قەزای ناوەندی هه‌ولێر رایگەیاند، ئەمڕۆ دەوام لە فەرمانگەکانی حکومەتی هەرێمی کوردستان ئاساییەو راگەیاندنی قەدەغەی هاتوچۆش ئەگەرێکی دورە.

ئاوێنه‌: نەبەز عەبدولحەمید، قائیمقامی قەزای ناوەندی هەولێر لە لێدوانێکی رۆژنامەوانیدا رایگەیاند، "ئەمڕۆ یەکشەممە دەوام لە فەرمانگەکانی حکومەت ئاساییەو راگەیاندنی قەدەغەی هاتوچۆش ئەگەرێکی دورە، بەڵام ئەگەر هاوڵاتیان پابەندنەبن، ئەوا ناچاردەبین رێکارەکان توندتر بکەینەوە، کە ئەگەری قەدەغەی هەیە هاتوچۆ وەک بژاردە بەکاربێنین".

بەهۆی بەرزبونەوەی ژمارەی توشبوان بە ڤایرۆسی کۆرۆنا دەنگۆی راگەیاندنی قەدەغەی هاتوچۆ لە هەولێر بڵاوبوەوە، لەوبارەیەوە قائیمقامی قەزای ناوەند ئەو هەواڵەی رەتکردەوەو بە ئەگەرێکی دوری دانا.

 
زۆرترین بینراو
© 2020 Awene Online, Inc. All Rights Reserved.
×