2020-09-21   423     
لیژنەی دارایی ئەنجومەنی نوێنەرانی عێراق ئاشكرایكرد، حكومەت لە بودجەی ٢٠٢٠ دا داوای ٢٧ ترلیۆن دینار قەرزی كردووە.
ئاوێنه: جەمال كۆچەر ئەندامی لیژنەی دارایی لەئەنجومەنی نوێنەرانی عێراق ڕایگەیاندووە ، ئەو بودجەیەی چاوەڕوانن بگاتە ئەنجومەنی نوێنەران، داواكارییەكی حكومەتی تێدایە بۆ وەرگرتنی قەرزێك بەبڕی ٢٧ ترلیۆن دینار، هەروەها دووپاتیكردووەتەوە ئەگەر حكومەت كار نەكات بۆ دۆزینەوەی ڕێگە چارەی پێویست، ئەوا ناچار دەبێت لەبودجەی ٢٠٢١ یشدا هانا بۆ قەرز بەرێت.
لەلایەكی تریشەوە " ئەحمەد حاجی ڕەشید " ئەندامی لیژنەی دارایی لەئەنجومەنی نوێنەرانی عێراق ڕایگەیاند ، چاوەڕوان بوون پڕۆژەیاسای بودجەی ٢٠٢٠ ڕەوانەی ئەنجومەنی نوێنەران بكرێت، بەڵام حكومەتی عێراق لەبری ئەنجومەنی نوێنەران پڕۆژەیاساكەی گەڕاندووەتەوە بۆ وەزارەتی دارایی عێراق. جەختی لەوەشكردەوە، هەرچەند هۆكاری گەڕاندنەوەی پڕۆژە یاساكە بۆ وەزارەتی دارایی ئاشكرا نەكراوە، بەڵام پێدەچێت بۆ جێكردنەوەی كۆمەڵێك دامەزراندن و پرسی قەرزكردن.