پارێزگاری سلێمانی: سوتانی دارسنه‌وبه‌ره‌كانی تاسڵوجە ده‌ستی هیچ كه‌سێكی له‌پشته‌وە نەبووە
  2020-10-20       630       

هه‌ڤاڵ ئه‌بوبه‌كر، پارێزگاری سلێمانی رایگه‌یاند، سوتانی دارسنه‌وبه‌ره‌كانی سه‌ر رێگه‌ی تاسڵوجه‌ سلێمانیی  ده‌ستی هیچ كه‌سێكی له‌پشته‌وە نەبووە.

ئاوێنه‌: هەڤاڵ ئەبوبەكر، پارێزگاری سلێمانی لە كۆبونەوەی ئەنجومەنی پارێزگادا رایگه‌یاند: "دوای لێكۆڵینه‌وه‌ بۆمان ده‌ركه‌وتوه‌، ده‌ستی هیچ كه‌سێك له‌پشتی سوتانی دارسنەوبەرەكانەوە نەبووە".
 
ئاماژه‌ی به‌وه‌شدا: "به‌هۆی دوو ئاگره‌وه‌ له‌مانگی شه‌شی ئه‌مساڵ سنه‌وبه‌ره‌كان سوتاون، یه‌كه‌میان به‌هۆی گڕگرتنی به‌نزیخانه‌یه‌ك‌ و دوه‌میش به‌هۆی ئاگرێك له‌ فه‌رمانده‌یی یه‌كه‌ی 70ه‌وه‌ بوه‌".

له‌ ماوه‌ی رابردوودا ژماره‌یه‌ك له‌ دارسنه‌وبه‌ره‌كانی چیای گۆیژه‌و سه‌ر رێگه‌ی سلێمانی_ تاسڵوجه‌ ئاگریان گرت و كاردانه‌وه‌ی زۆری به‌دوای خۆیدا هێنا، له‌سه‌ر ئاگره‌كه‌ی چیای گۆیژه‌ به‌ وته‌ی پۆلیس دوو كه‌س ده‌ستگیر كراون، به‌ڵام هێشتا هیچ كه‌سێك له‌سه‌ر سووتاندنی دارسنه‌وبه‌ره‌كانی تاسڵوجه‌ ده‌ستگیر نه‌كراوه‌.

زۆرترین بینراو
© 2020 Awene Online, Inc. All Rights Reserved.
×