ئەمڕۆ شەممە، هاوسەرۆكانی یەكیتی و قوباد تاڵەبانی، جێگری سەرۆكی حكومەتی
هەرێم لە مێرگەپان لەگەڵ بەرهەم ساڵح، سەرۆك كۆماری عێراق كۆبونەوەو جەختیان كردەوە
كە "پەسەندکردنی بودجە هەنگاوێکی گرنگە بە ئاڕاستەی باشترکردنی ژیان و گوزەرانی
خەڵک و کۆتاییهێنان بە لێبڕینی موچەی موچەخۆرانی هەرێم."
ئاوێنە: لاهور شێخ جەنگی، هاوسەرۆكی یەكێتی، لەلاپەڕەی خۆی لە فەیسبوك
رایگەیاند"لەگەڵ هاوسەرۆک بافڵ تاڵەبانی و کاک قوباد تاڵەبانی جێگری سەرۆکی
حکومەتی هەرێمی کوردستان لە ناوچەی گەشتیاریی مێرگەپانی شاری سلێمانی سەردانی د.بەرهەم
ئەحمەد ساڵح، سەرۆککۆماری عێراقمان کرد. لە دیدارێکدا بیروڕامان ئاڵوگۆڕ کرد دەربارەی
دوا پێشهاتە سیاسی و ئابورییەکانی عێراق و هەرێمی کوردستان بە تایبەت مەسەلەی پەسەندکردنی
بودجەی گشتیی عێراق و جێگیرکردنی پشکی کورد لەو بودجەیەدا."
ئەوەشی
خستۆتەڕو"جەختمان کردەوە کە پەسەندکردنی بودجە هەنگاوێکی گرنگە بە
ئاڕاستەی باشترکردنی ژیان و گوزەرانی خەڵک و کۆتاییهێنان بە لێبڕینی موچەی موچەخۆرانی
هەرێم و بوژاندنەوەی کەرتی ئابوری."
هەروەها لاهور شێخ جەنگی وتوشیەتی"دوپاتمان کردەوە کە پابەندبون بە یاسای
بودجە دەبێتە مایەی ئیستیقراریی ئابوری و کۆتاییهێنان بەو کێشە داراییانەی کە ماوەیەکی
زۆرە بەرۆکی خەڵک و موچەخۆرانی گرتبو."