2021-04-10 428
بەڕێوەبەرایەتی پۆلیسی دهۆك رایدەگەیەنێت ، بەهۆی شەڕكردنەوە لە گوندی بادێی سەر بە شارەدێی زاویتەڤە پیاوێك كوژرا و گەنجێكیش برینداركرا.
ئاوێنه: هێمن سلێمانی، وتەبێژی بەڕێوەبەرایەتی پۆلیسی دهۆك لە پەیجی فەرمی خۆی لە تۆڕی كۆمەڵایەتی فەیسبووك بڵاویكردوەتەوە ، لە گوندی بادێی سەر بە شارەدێی زاویتەڤە لە نێوان دوو خێزاندا شەڕ روویداوە.
ڕاشیگەیاندووە، بەهۆی شەڕەكەوە پیاوێك كوژرا و گەنجێكیش برینداركراو تەرمی كوژراوەكە گەیەنراوەتە پزیشكی داد و لێكۆڵینەوە لە دۆسیەكە دەستیپێكردووە.