٧٧ ڕۆژە قارەمان شوکری بێسەروشوێنە
  2021-04-13       412       

٧٧ ڕۆژە ڕۆژنامەنووس’قارەمان شوکری’، لە ماڵەکەی خۆی لە بادینان، لەلایەن هێزێکی پارتیه‌وه‌ ڕفێندراوە و بێسەروشوێنە.

ئاوێنه‌: بەرەبەیانی ٢٧-١-٢٠٢١، هێزێکی دەمامکداری ئاسایشی پارتیه‌وه‌ لە کۆمەڵگەی سیرێ-ی دەڤەری بادینان، هەڵیانکوتایە سەر ماڵی ڕۆژنامەنووس’قارەمان شوکری زەینەدین’ و دوای تێکدانی ماڵ و دووکانەکەی، لەگەڵ خۆیان بردیان.

ئەمڕۆ ٧٧ ڕۆژە قارەمان بێسەروشوێنە و خانەوادەکەی چەندین جار سەردانی ئاسایشی شیلادزێیان کردوە، بەڵام هیچ زانیارییەکیان نە لە دۆخی قارەمان و نە لە شوێنی دەستگیرکردنەکەی پێدراوە، ناشزانن هۆکاری دەستگیرکردنەکەی چییە.

قارەمان شکوری زەینەدین، کوڕی ڕۆژنامەنووسی شەهید شوکری زەینەدین‌ـە،  تەمەنی ٢٣ ساڵە و دانیشتووی کۆمەڵگەی سیرێ-یە لە سنووری شیلادزێی پارێزگای دهۆکە، پیشەی وێنەگر و ڕۆژنامەنووسی فرییە و خاوەنی خەڵاتی ساڵی ٢٠٢٠ی ‘وەدات بۆ ئازادیی ڕۆژنامەگەریی”ە.

 قارەمان، سەرەرای ئەوەی باوکی تیرۆر کراوە، خۆیشی کە منداڵی گەورەی خانەوادەکەیەتی، بەردەوام لەلایەن هێزەکانی پارتی  ڕووبەڕووی هەڕەشە و دەستگیرکردن دەبێتەوە و ئەمە چوارەمین جارە دەستگیر دەکرێت.

ساڵی ڕابردوو، قارەمان ٩٨ ڕۆژ لە زینداندا بوو، دواتر بە کەفالەتی ١٠ ملیۆن دینار ئازاد کرا.

زۆرترین بینراو
© 2021 Awene Online, Inc. All Rights Reserved.
×