لەدوای ئەڵمانیاو
ئەمریكا، كەنەدا نیگەرانی خۆی لەبارەی سزادانی پێنج رۆژنامەنوس و چالاكوان لە
هەرێمی كوردستان دەردەبڕێت.
ئاوێنە:
باڵیۆزخانەی كەنەدا لە عێراق، لە تویتێكدا رایگەیاندوە"کەنەدا زۆر نیگەرانە
لە سزادانى ڕۆژنامەنوس و چالاکوانان لە هەرێمی کوردستان."
باڵیۆزخانەكە جەختی كردۆتەوە كە "راگەیاندنى ئازاد و سەربەخۆ بناغەی دیموکراسییە.
ڕاگەیاندنکاران و بیروڕای جیاواز وەکو ئۆکسجین گرنگن بۆ کۆمەڵگایەکی ئازاد و هۆشیار
و گشتگیر."
دوای پەسەندكردنی بڕیاری سزادانی پێنج رۆژنامەنوس و چالاكوانی بادینان
لەلایەن دادگای پێداچونەوەی هەرێمی كوردستانەوە، بڕیارەكە كاردانەوەی توندی لەسەر
ئاستی ناوخۆ و دەرەوە لێكەوتۆتەوە.
ئەمریكاو ئەڵمانیا، كە لە بڕیارەكەی دادگای پێداچونەوەدا ناویان ھێنرابو،
لەگەڵ بڵاوبونەوەی بڕیارەكەدا هەمان رۆژ كاردانەوەیان نیشانداو نیگەرانی خۆیان
بەرامبەر بە بڕیارەكە دەربڕی.