شانەی راگەیاندنی ئەمنی عێراق، پاشنیوەڕۆی ئەمڕۆ سێشەممە، ئاشكرایكرد، لە
تەقینەوەكەی شەوی رابردوی ناوچەی سەدر لە بەغدا، 30 كەس كوژراون و زیاتر لە 50
كەسی دیكەش برینداربون.
ئاوێنە: شانەی راگەیاندنی ئەمنی عێراق، لە بەیاننامەیەكی نوێدا وتویەتی،
دوای لێكۆڵینەوەو راپۆرتی تەكنیكی شارەزایانی تەقینەوەكان و بەڵگەكانی تاوانكاری و
پشكنینی شوێنی روداوەكە، دەركەوتەوە تەقینەوەكە خۆكوژی بوەو خۆكوژێك لەڕێگەی
پشتێنی بۆمبڕێژكراوەوە ئەنجامی داوە.
هەروەها
ئاشكراشیكردوە كە لە تەقینەوەكەدا 30 هاوڵاتی كوژراون و زیاتر لە 50ی دیكەش
برینداربون.
ئەوەش
لەكاتێكدایە شەوی رابردو شانەی راگەیاندنی ئەمنی عێراق وتبوی، تەقینەوەكە لە رێگەی
بۆمبی چێنراوەوە ئەنجامدراوە.