پۆلیسی دهۆك رایگەیاند، هاوڵاتییەكی سودانی بەناوی "نەسرەدین سودانی"
بەتۆمەتی "جادو و فێڵكردن" لە خەڵك لەلایەن ئاسایشی بەردەڕەشەوە
دەستگیركراوە.
ئاوێنە: هێمن سلێمانی، وتەبێژی بەڕێوەبەرایەتی پۆلیسی پارێزگای دهۆك، ئەمڕۆ
پێنجشەممە، لە راگەیەندراوێكدا وتی"نەسرەدین سودانی، كە بۆ ماوەیەكی درێژە لە
بەردەڕەش كاری جادوگەری دەكات و فێڵ خەڵك دەكات، دوێنێ لەدوای كۆكردنەوەی زانیاریی
بە تۆمەتی فێڵكردن لەلایەن هێزەكانی ئاسایشی بەردەڕەشەوە بە فەرمانی دادوەر
دەستگیركراو رەوانەی دادگا كرا."
بەپێی قسەی هێمن سلێمان "رۆژانە خەڵكێكی زۆر سەردانی ناوبراویان كردوە
بۆ نوسینی نوشتە."
هەروەك ئاماژەی بەوەشداوە كە ناوبراو دوای دەستگیركردنی "دانی
بەتاوانەكەیدا ناوە."
بەگوێرەی
زانیارییەكان نەسرەدین سودانی ماوهی 26 ساڵە لە ناحیەی "روڤیا"ی سەر بە
قەزای بەردەڕەش لە پارێزگای دهۆك نیشتەجێیەو هاوسهرگیریشی ھەر لەو ناحیەیە لەگەڵ
ئافرەتێكی ناوچەكە كردوه.