2021-09-23 1417
تەندروستی هەولێر دروستكردنی كارتی زیرەكی ڤاكسینی بۆ بەكارهێنەرانی دەستپێكرد.
ئاوێنه: د.دلۆڤان محەمەد بەڕێوەبەری گشتی تەندروستی هەولێر ڕایگەیاند: ئامانج لە دروستكردنی كارتی زیرەك بۆ بەكارهێنەرانی ڤاكسین ئاسانكاریە بۆ خودی بەكارهێنەران بەتایبەت بۆ ئەوكاتانەی گەشتی دەرەوە دەكەن، چونكە ئەوكارتەی باوەڕپێكراوە و هەڵگری كارتەكە بۆ هەركوێ بچێـت بەم كارتە دەزاندرێت كە ڤاكسینی وەرگرتووە.
بەڕێوەبەری گشتی تەندروستی هەولێر گوتیشی: هاوكات سودێكی تری كارتەكە بۆ خودی وەزارەتی تەندروستیە بەمە دەزانێت ڕێژەی چەندی هاوڵاتیان ڤاكسینیان وەرگرتووەو چەندیش ماون ڤاكسین بەكاربهێنن، ئاشكراشیكرد بۆ دروستكردنی هەر كارتێك بڕی 5 هەزار دینار لە هاوڵاتیان وەردەگیرێت.