حوسییەکان جارێکی دیکە بە موشەك هێرشیانکردە سەر ئیمارات
  2022-01-31       623       

وەزارەتی بەرگریی ئیمارایت ڕایگەیاند، ڕێگرییان کردووە لە موشەکێکی بالیستی هاوێژراو لەلایەن حوسییەکانەوە و هیچ زیانێکی نەبووە.

ئاوێنە: لە بەیاننامەیەکدا وەزارەتی بەرگریی ئیمارات دەڵێت، “بەیانی ئەمڕۆ ڕێگریمانکردووە لە موشەکێکی بالیستی حوسییەکان و تەقێندراوەتەوە، لەگەڵ ئەوە پارچەکانی موشەکەکە لە ناوچەیەکی نیشتەجێبوون کەوتوونەتەخوارەوە و هیچ زیانێکی گیانیان نەبووە”.

بەپێی بەیاننامەکەی وەزارەتی بەرگریی ئیمارات، دوای ئەو هەوڵە ئیمارات و حکومەتی یەمەن سەکۆی موشەکە کەیان دۆزیووەتەوە و وێرانیان کردووە.

بەرگریی ئیمارات جەختیکردووەتەوە، ئەوان پێشتر ئامادەی ئەو هێرشە بوون و ئامادەکارییان کردووە.

دوای هێرشەکە ئیدارەی گشتی هێڵە ئاسمانییەکانی ئیمارات ڕایگەیاند، هەموو گەشتە ئاسمانییەکان ئاساین و لەشوێن و کاتی خۆیاندا ئەنجامدراون و دەدرێن، ئەو هێرشە کاریگەری لەسەر گەشتەکان نەبووە.

زۆرترین بینراو
© 2024 Awene Online, Inc. All Rights Reserved.
×