ئا: ئاوێنە
ئەمڕۆ كتێبی "رحلة الی ایزیدخان" بەزمانی عەرەبی كەوتە سەر تۆڕی بەناوبانگی جیهانیی Amazon هەموو كەسێك لەهەر كوێیەك بێت لەڕێی ئەم لینكەی خوارەوە دەتوانێت كتێبەكە بەدەست بخات.
سەفەرێك بۆ ئێزدخان (رحلة الی ایزیدخان) گەشتێكی رۆژنامەوانییە بۆ گێڕانەوەو وێنەگرتن و پێشاندانی ئازاری ئێزیدیان، وێنەكیشان بەخستنە رووی راستیی رووداوەكانی ناوچەكەو پێشاندانی ئەو رووەی تائێستا راگەیاندنی كوردیی، یان دەستی نەگەیشتۆتێ، یان بەهۆی باری سیاسییەوە خۆی لێ پاراستووەو نەیویستوە باسی بكات. ئەم گەشتە، هەموو ئەو راستییانە دەخاتە روو كە پێویستە هەموومان، سەبارەت بەنەهامەتیی ئێزیدیان و ئەو ململانێ سیاسی و سەربازییەی لەناوچەكەیان هەبووەو هەیە، بیزانین. سەفەرێك بۆ ئێزیدخان، قۆناغێكی دیاریكراوی مێژویی ئێزیدخانە، گێڕانەوەی چیرۆكی سەردەمێكی دیاریكراوی ناوچەكەیە، وێناكردنی ساتەوەختێكی پڕ مەرگەساتی خەڵكی شنگال و ئێزیدیاتییە، بۆئەوەی ون نەبێت و بەزمانێكی دیكەو بەنیەتێكی دیكە نەنوسرێتەوەو راستیی رووداوەكانی ناوچەكە ون نەكرێت.
- لینكی داگرتنی كتێبی (رحلة الی ایزیدخان).
https://www.amazon.com/dp/B09RMWY6CP