پارەی یەدەگی عێراق 15 ملیار دۆلار زیادیكردووە
  2022-02-15       582       

بەهۆی بەرزبوونەوەی نرخی نەوتەوە، پارەی یەدەگی بانكی ناوەندیی عێراق 15 ملیار دۆلاری سەرباربووە و چاوەڕوان دەكرێت تەواوبوونی قەرزەكانی كوەیتیش داهات زیاتر بكات.

ئاوێنه‌: پسپۆڕێكی ئابوری دەڵێت، بەرزبوونەوەی نرخی نەوتی خاو 15 ملیار دۆلاری سەرباری یەدەگی بانكی ناوەندیی عێراق كردووە.

باسم جەمیل ئەنتۆن پسپۆڕی ئابوری ڕایگەیاند، بەهۆی گرژییەكانەوە نرخی نەوت بەرزبووەتەوە و پێشبینیدەكرێت لە ڕۆژانی داهاتوودا نرخەكان زیاتریش بەرزببنەوە.

دەشڵێت، ئەزموونەكانی ڕابردوو سەلماندوویانە كە عێراق پلانی ستراتیژی نییە بۆ مامەڵەكردن لەگەڵ ئەو بەرزبوونەوانەی لە نرخی نەوتدا دێنەئاراوە، “بۆیە دەبێت حكومەت بزانێت چۆن ئەو گۆڕانكارییانە لە بەرژەوەندیی خۆی بەكاربهێنێت”.

ئەو پسپۆڕەی ئابوری باس لە قەرزەكانی كوەیت لەسەر عێراق دەكات و ڕایدەگەیەنێت، “قەرزەكانی كوەیت كە ساڵانە 3 بۆ 4 ملیار دۆلار بوون تەواوبوون، ئەوەش زیادبوونێكی تری داهاتە و دەكرێت لە ئاوەدانكردنەوە و بنیادنانەوەدا بەگەڕبخرێت”.

زۆرترین بینراو
© 2024 Awene Online, Inc. All Rights Reserved.
×