ئەمڕۆ هەینی، موزەفەر نەواب، شاعیری بەناوبانگی عێراقی لە یەكێك لە نەخۆشخانەكانی ئیمارات لە تەمەنی 88 ساڵیدا كۆچی دوایی كرد.
ئاوێنە: وەزارەتی رۆشنبیری عێراق، لە راگەیەندراوێكدا كۆچی دوایی موزەفەر نەواب، شاعیری گەورەی عێراقی پشتڕاستكردۆتەوە.
عارف ساعدی، بەڕێوەبەری فەرمانگەی كاروباری رۆشنبیری لە وەزارەتەكە، رایگەیاندوە، نەواب لە نەخۆشخانەی فێركاری شارققە لە ئیمارات كۆچی دوایی كردوە.
بەرهەم ساڵح، سەرۆك كۆماری عێراق لە توێتێكدا لەبارەی كۆچی دوایی نەوابەوە وتویەتی، ئەوانەی بەشێوەیەكی راستگۆیانە هەڵوێستە سیاسی و ویژدانییەكانیان چاندوە، لە یادگەی گەلدا بە زیندویی دەمێننەوە، بۆیە موزەفەر نەواب، شاعیری گەورەی عێراقی، لەناوناچێ و زیندو دەبێت لە هزری هەمو ئەوانەی كە شیعرەكانی دەڵێنەوە.
نەواب ساڵی 1934 لە بەغدا لە بنەماڵەیەكی شیعەی خانەدان لە دایكبوە.