نوسەرێكی كورد چوە قۆناغی کۆتایی بردنەوەی خەڵاتی "سەمیر قەسیر" لەبەیروت
  2022-06-02       765       

براوەكانی خەڵاتەكانی "سەمیر قەسیر" لە بەیروت ئاشكراكران و خالید سولێمان کە نوسەرو روناكبیرێکی كوردە چوە قۆناغی کۆتایی بردنەوەی خەڵاتەکەو براوەی دوەمی خەڵاتەكە لە بواری وتاری بیروڕا تایبەت بە پرسەكانی ژینگە بو.

ئاوێنە: دكتۆر ملكۆ ئەحمەد، شاعیرو ئەدیب و ئەكادیمی و هاوڕێی خالید سولێمان، ئەمڕۆ پێنجشەممە، پیرۆزبایی لە ناوبراو كردوە بەبۆنەی بردنەوەی ئەو خەڵاتەو رایگەیاندوە"خالید سولێمان، نوسەر و ڕوناکبیری کورد دەبێتە براوەی دوەمی خەڵاتی (سەمیر قەسیر) لە بواری وتاری ڕاوبۆچون، تایبەت بە پرسەکانی ژینگە."

ئەوەشی خستۆتەڕو"لەگەڵ خالیددا نوسەرێکی لوبنانی و نوسەرێکی میسری گەشتنە فاینەڵی خەڵاتەکە، ئەمڕۆ لە بەیروتی پایتەختی لوبنان، ئەنجامی کۆتایی ڕاگەیەنرا، عیزەت ئەلقەمحاوی ڕۆماننوسی میسری بو بە براوەی یەکەم و خالیدی کوڕە گەرمیانی بو بە براوەی دوەم."

دكتۆر ملكۆ ئەحمەد ئاماژەی بەوەشداوە كە "بەشداریی خالید لە خەڵاتێکی وادا کە حەڤدە ساڵە لەلایەن یەکێتی ئەوروپاوە ساز دەکرێ، بۆخۆی بردنەوە و سەربەرزییە بۆ قەڵەمی کورد."

هەروەها وتوشیەتی"خالید لە دێیەکی دورەدەستی ناوچەی داودەی گەرمیانەوە بەرەو لوتکە دەڕوانێ، جگە لە زمانی دایک بە هەرسێ زمانی عەرەبی و فەرەنسی و ئینگلیزییش دەنوسێ."

زۆرترین بینراو
© 2023 Awene Online, Inc. All Rights Reserved.
×