وەزارەتی تەندروستی عێراق رایگەیاند، لەماوەی 24 سەعاتی رابردودا سێ هەزارو 491 توشبوی نوێی كۆرۆنا تۆماركراون و هاوكات 32 توشبوی ڤایرۆسەكەش گیانیان لەدەستداوە.
ئاوێنە: وەزارەتی تەندروستی عێراق، ئێوارەی ئەمڕۆ دوشەممە، لە بەیاننامەیەكدا ئاشكرایكرد: لەماوەی 24 سەعاتی رابردودا، 10 هەزارو 293 پشكنینی كۆرۆنا لەسەرتاسەری وڵات ئەنجامدراون و بەپێی ئەنجامەكان سێ هەزارو 491 كەسی دیكە توشی كۆرۆنا بون كە لەوانە 815 توشبویان لە پارێزگاكانی هەرێم تۆماركراون بەم شێوەیە: 368 لە هەولێر، 267 لە دهۆك، 180 لە سلێمانی.
هەروەها ئاماژەی بەوەشداوە كە هەر لە ماوەی 24 سەعاتی رابردودا چوار توشبوی ڤایرۆسەكەش گیانیان لەدەستداوە كە هیچیان لە هەرێمی كوردستان نەبون.